ହାଇଦ୍ରାବାଦ: ସର୍ବାଦ ବିଜେପିକୁ ସମାଲୋଚନା କରୁଥିବା ଏଆଇଏମଆଇଏମ ମୁଖ୍ୟ ଅସାଦୁଦ୍ଦିନ୍ ଓୱେସୀ ତେଲେଙ୍ଗାନା ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି। ତାଙ୍କୁ ତେଲେଙ୍ଗାନାରେ ନିର୍ବାଚନ ଶୋଭାଯାତ୍ରା ନ କରିବା କଂଗ୍ରେସ ୨୫ ଲକ୍ଷ ଟଙ୍କାର ଲାଞ୍ଚ ଯାଚିଥିଲା ବୋଲି ଓୱେସୀ ଅଭିଯୋଗ ଆଣିଛନ୍ତି।
ଏକ ସାଧାରଣ ସଭାରେ ଉଦ୍ବୋଧନ ଦେଇ ଓୱେସୀ କହିଛନ୍ତି, “ନିର୍ମଲ ନିର୍ବାଚନମଣ୍ଡଳୀରେ ଶୋଭାଯାତ୍ରା ଓ ସାଧାରଣ ସଭା ନ କରିବାକୁ କଂଗ୍ରେସ ମୋତେ କହିଥିଲା। ଏଥିପାଇଁ ଦଳର ପ୍ରାର୍ଥୀ ମୋତେ ୨୫ ଲକ୍ଷ ଟଙ୍କା ଦେବେ ବୋଲି ମଧ୍ୟ କହିଥିଲେ।
ଏଭଳି ଏକ ପାର୍ଟିକୁ ଆପଣମାନେ କ’ଣ କହିବେ? ୨୫ ଲକ୍ଷ ଟଙ୍କା ଦେଇ କଂଗ୍ରେସ ନିଜର ଅହଂକାର ଭାବ ପ୍ରକାଶ କରିଛି। ହେଲେ ମୁଁ ଟଙ୍କା ନେଇ ବିକ୍ରି ହେବା ଭଳି ଲୋକ ନୁହେଁ।”
ହାଇଦ୍ରାବାଦର ସାଂସଦ ଓୱେସୀ ନିଜ କଥାକୁ ସତ ବୋଲି ପ୍ରମାଣ କରିବା ପାଇଁ ଏକ ଫୋନ ରେକର୍ଡ ରଖିଛନ୍ତି ବୋଲି କହିଛନ୍ତି। ଏଥିସହ ସେ ଭୋଟରମାନଙ୍କ ଏଭଳି କାର୍ଯ୍ୟ ଏବଂ ଲୋକଙ୍କଠାରୁ ଦୂରେଇ ରହିବାକୁ ପରାମର୍ଶ ଦେଇଛନ୍ତି।
ତେଲେଙ୍ଗାନା ବିଧାନସଭା ପାଇଁ ଡିସେମ୍ବର ୭ରେ ଭୋଟ୍ ଗ୍ରହଣ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।