ଜଗଦଲପୁର: ଛତିଶଗଡ଼ରେ ଏକ ପ୍ରାକ୍ ନିର୍ବାଚନୀ ସଭାରେ ନକ୍ସଲ ଆକ୍ରମଣରେ ସହିଦ ହୋଇଥିବା ଡିଡି ନ୍ୟୁଜ୍ କ୍ୟାମେରାମ୍ୟାନ୍ ତଥା ଓଡ଼ିଆ ପୁଅ ଅଚ୍ୟୁତାନନ୍ଦ ସାହୁଙ୍କୁ ମନେ ପକାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ନକ୍ସଲ ସମସ୍ୟା ଛତିଶଗଡ଼ର ପ୍ରମୁଖ ସମସ୍ୟା ହୋଇଥିବାବେଳେ ନିରୀହ ଆଦିବାସୀଙ୍କୁ ଢାଲ କରି ଅର୍ବାନ୍ ନକ୍ସଲମାନେ ରାଷ୍ଟ୍ରବିରୋଧୀ କାର୍ଯ୍ୟ କରିଆସୁଛନ୍ତି ବୋଲି ମଧ୍ୟ ସେ ମତ ଦେଇଥିଲେ।
ତାଙ୍କର ଅକାଳ ମୃତ୍ୟୁରେ ଦୁଃଖ ପ୍ରକାଶ କରିବା ସହିତ ସେ ଛତିଶଗଡ଼ବାସୀଙ୍କୁ କହିଥିଲେ, “ଅଚ୍ୟୁତାନନ୍ଦ ଆପଣମାନଙ୍କ ସ୍ୱପ୍ନକୁ ତାଙ୍କ କ୍ୟାମେରା ସାହାଯ୍ୟରେ ସମଗ୍ର ବିଶ୍ୱକୁ ଦେଖାଇବାକୁ ଆସିଥିଲେ, କିନ୍ତୁ ତାଙ୍କୁ ନକ୍ସଲମାନେ ହତ୍ୟା କରିଦେଲେ।”
A cameraman from DD news and jawans of our security forces were killed by maoists in Chhattisgarh. But shamefully the Congress called them 'Krantikari': PM @narendramodi #ModiSangCG https://t.co/Ia28UJKE9h
— narendramodi_in (@narendramodi_in) November 9, 2018
ଆସନ୍ତା ନଭେମ୍ବର ୧୨ରେ ଛତିଶଗଡ଼ରେ ୧୮ଟି ଆସନ ପାଇଁ ପ୍ରଥମ ପର୍ଯ୍ୟାୟ ନିର୍ବାଚନ ହେବ। ଏଥିପାଇଁ ସମସ୍ତ ପ୍ରମୁଖ ଦଳର ମୁଖ୍ୟମାନେ ବସ୍ତର ଅଞ୍ଚଳରେ ପ୍ରଚାର ଆରମ୍ଭ କରିଛନ୍ତି। ମୋଦିଙ୍କ ବ୍ୟତୀତ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ମଧ୍ୟ ଆଜିଠାରୁ ଦୁଇ ଦିନ ଯାଏ ୫ଟି ରାଲିରେ ଯୋଗଦେବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
