ନୂଆଦିଲ୍ଲୀ: ସାରା ଦେଶରେ ସକାଳ ୮ଟାରୁ ଭୋଟ୍ ଗଣତି ଆରମ୍ଭ ହୋଇଛି। ପ୍ରଥମେ ପୋଷ୍ଟାଲ ବ୍ୟାଲୋଟ୍ର ଗଣତି ହେଉଛି। ପ୍ରାଥମିକ ଗଣତି ଅନୁଯାୟୀ, କଂଗ୍ରେସର ୩ ହେଭିୱେଟ୍ ବିଜେପି ପ୍ରାର୍ଥୀଙ୍କ ଠାରୁ ପଛରେ ରହିଛନ୍ତି।
ମଧ୍ୟପ୍ରଦେଶର ଗୁନାରୁ ପ୍ରାର୍ଥୀ ହୋଇଥିବା ଜ୍ୟୋତିର ଆଦିତ୍ୟ ସିନ୍ଧିଆ, ଭୋପାଲରୁ ପ୍ରାର୍ଥୀ ହୋଇଥିବା ଦିଗବିଜୟ ସିଂହ ଓ ଯବଲପୁରରୁ ପ୍ରାର୍ଥୀ ହୋଇଥିବା ବିବେକ ଟାଙ୍ଖା ପଛରେ ରହିଛନ୍ତି। ଭୋପାଲାରେ ଏଥର ବିଗ୍ ଫାଇଟ୍ ହେଉଛି। କଂଗ୍ରେସ ପ୍ରାର୍ଥୀ ଦିଗବିଜୟ ସିଂହଙ୍କ ବିରୋଧରେ ବିଜେପି ସ୍ୱାଧୀ ପ୍ରଜ୍ଞାଙ୍କୁ ଟିକେଟ୍ ଦେଇଛି।
ସେହିପରି ପୂର୍ବ ଦିଲ୍ଲୀରୁ ପ୍ରାର୍ଥୀ ହୋଇଥିବା କଂଗ୍ରେସର ଶିଲା ଦିକ୍ଷୀତ ମଧ୍ୟ ପ୍ରଥମ ରାଉଣ୍ଡ ଗଣତି ପରେ ପଛରେ ରହିଛନ୍ତି। ଏଠାରେ ବିଜେପିର ମନୋଜ ତିୱାରୀ ଆଗରେ ରହିଛନ୍ତି। ପଶ୍ଚିମବଙ୍ଗର ଆସୋନସଲରେ ବିଜେପି ନେତା ତଥା କେନ୍ଦ୍ରମନ୍ତ୍ରୀ ବାବୁଲ ସୁପ୍ରିଓ ପ୍ରତିପକ୍ଷ ଟିଏମସିର ମୋନ ମୋନ ସେନ୍ଙ୍କ ଠାରୁ ଯଥେଷ୍ଟ ଆଗରେ ରହିଛନ୍ତି। ଉତ୍ତର କନ୍ନଡରୁ କେନ୍ଦ୍ରମନ୍ତ୍ରୀ ଅନନ୍ତ କୁମାର ହେଗଡେ ୩୩,୨୨୨ଟି ଭୋଟ୍ରେ ଆଗରେ ରହିଛନ୍ତି। ବିହାରର ବେଗୁସରାଇରୁ ଛାତ୍ର ନେତା କହ୍ନେୟା କୁମାରଙ୍କ ଠାରୁ ବିଜେପି ହେଭିୱେଟ୍ ଗିରିରାଜ ସିଂହ ଆଗରେ ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
