ବିଚ୍ଛିନ୍ନତାବାଦୀ ଆନ୍ଦୋଳନ ପାଇଁ ବିଦେଶରୁ ଆସୁଥିଲା ଟଙ୍କା : ଏନଆଇଏ

ବିଦେଶରୁ ଟଙ୍କା ଆଣି ନିଜ ପୁଅ ଓ ପରିବାର ପାଇଁ ଖର୍ଚ୍ଚ କରି ଅୟସ କରୁଥିଲେ

ନୂଆଦିଲ୍ଲୀ: ଯେଉଁ ଅଭିଯୋଗରେ ଜାତୀୟ ତଦନ୍ତ ଅଧିକାରୀ ସଂସ୍ଥା(ଏନଆଇଏ) ବିଚ୍ଛିନ୍ନତାବାଦୀ ନେତାଙ୍କୁ ଗିରଫ କରିଥିଲା ତାହା ସତ ପ୍ରମାଣିତ ହୋଇଛି। ଆଜି ଏନଆଇଏ ପ୍ରକାଶ କରିଥିବା ରିପୋର୍ଟରୁ ଏହା ଜଣାପଡ଼ିଛି। ବିଚ୍ଛିନ୍ନତାବାଦୀ ନେତା ମାନେ ବିଦେଶରୁ ଟଙ୍କା ଆଣି ନିଜ ପୁଅ ଓ ପରିବାର ପାଇଁ ଖର୍ଚ୍ଚ କରି ଅୟସ କରୁଥିଲେ।

ଏଥିସହ ଏହି ଟଙ୍କାରେ କଶ୍ମୀରରେ ବିଚ୍ଛିନ୍ନତାବାଦୀ ଭାବନା ସୃଷ୍ଟି କରିବା ପାଇଁ ମୁସଲିମ୍ ମହିଳାଙ୍କୁ ଟଙ୍କା ଦେଉଥିଲେ ବୋଲି ଜଣାପଡ଼ିଛି। ସବୁଠୁ ବଡ଼କଥା ହେଲା ସନ୍ଦିଗ୍ଧ ଆତଙ୍କବାଦୀ ବିଦେଶରୁ ସେମାନଙ୍କୁ ଟଙ୍କା ପଠାଉଥିଲେ ବୋଲି ଜଣାପଡ଼ିଛି। ହୁରିୟାତ କନଫରେନ୍ସ ଏବଂ ଅନ୍ୟାନ୍ୟ ସଂଗଠନର ଶୀର୍ଷ ନେତାଙ୍କୁ ଏନଆଇଏ ପଚରାଉଚରା କରିବା ପରେ ଏହା ଜାଣିବାକୁ ପାଇଛି।

ବିଚ୍ଛିନ୍ନତାବାଦୀ ସଂଗଠନ ଦୁଖତରନ-ଏ-ମିଲତର ନେତା ଅସିୟା ଅନ୍ଦ୍ରାବୀକୁ ଏନଆଇଏ ନିକଟରେ ପଚରାଉଚରା କରିଥିଲା। ଯେଉଁଥିରେ ସେ ତା’ର ପୁଅ ମ୍ୟାଲେସିଆରେ ପାଠ ପଢ଼ୁଛି ଏବଂ ଏଥିପାଇଁ ଆତଙ୍କବାଦୀ ଲିଙ୍କ୍ ଅଭିଯୋଗରେ ଗିରଫ ହୋଇଥିବା ଜହୁର ଓ୍ୱତାଲି ପଇସା ଯୋଗାଉଥିବା ସ୍ୱୀକାର କରିଛି। ଏଥିସହ ଏନଆଇଏ ଆଗରେ ଅସିୟା କହିଛି କଶ୍ମୀର ଉପତ୍ୟକାରେ ମୁସଲିମ ମହିଳାଙ୍କୁ ଟଙ୍କା ଯୋଗାଇ ସେ ଓ ତା’ର ସଂଗଠନ ଆନ୍ଦୋଳନ କରାଉଛି।

ଅସିୟା ବ୍ୟତୀତ ଅନ୍ୟାନ୍ୟ ବିଚ୍ଛିନ୍ନତାବାଦୀ ନେତାଙ୍କୁ ମଧ୍ୟ ଏନଆଇଏ ପଚରାଉଚରା କରିଛି ଯେଉଁଥିରେ ପାକିସ୍ତାନରୁ ଟଙ୍କା ଆସୁଥିବା କଥା ସେମାନେ ସ୍ୱୀକାର କରିଥିବା ଜଣାପଡ଼ିଛି। ଏହି ପଇସାରେ ଗିରଫ ହୋଇଥିବା ବିଚ୍ଛିନ୍ନତାବାଦୀ ନେତା ଶବିର ଶାହ କଶ୍ମୀରର ପହଲଗାମ, ଅନନ୍ତଗଡ଼ ଓ ଶ୍ରୀନଗର ଜିଲ୍ଲାରେ ହୋଟେଲ ବ୍ୟବସାୟ ଚଳାଉଥିଲା ବୋଲି ଏନଆଇଏ ଆଗରେ ସ୍ୱୀକାର କରିଛି।

୨୦୧୭ରେ ଏନଆଇଏ ବିଚ୍ଛିନ୍ନତାବାଦୀଙ୍କୁ ଆତଙ୍କବାଦୀ ସଂଗଠନ ଓ ବିଦେଶରୁ ଟଙ୍କା ଆସୁଥିବା କଥା ଜାଣିବାକୁ ପାଇଥିଲା। ଏହାପରେ ଏନଆଇଏ ବିଚ୍ଛିନ୍ନତାବାଦୀଙ୍କ ବ୍ୟାଙ୍କ ଆକାଉଣ୍ଟ ସିଜ୍ କରିବା ସହିତ ଜାମାତ୍-ଉଦ-ଦାୱା, ଦୁଖତରମ-ଏ-ମିଲନ, ଲସ୍କର-ଏ-ତାଇବା, ହିଜବୁଲ ମୁଜାହିଦ୍ଦିନ ଏବଂ ଅନ୍ୟାନ୍ୟ ବିଚ୍ଛିନ୍ନତାବାଦୀ ନେତାଙ୍କ ବିରୋଧରେ ଆତଙ୍କବାଦୀ ଲିଙ୍କ ନେଇ ମାମଲା ରୁଜୁ କରିଥିଲା। ବର୍ତ୍ତମାନ ସୁଦ୍ଧା ଏନଆଇଏ ୧୩ ଜଣଙ୍କୁ ଟେରର ଫଣ୍ଡିଂ ଲିଙ୍କରେ ଗିରଫ କରିଛି।

ଆହୁରି ପଢ଼ନ୍ତୁ

୧୬ରୁ ୩୧ ଯାଏ ଲାଗୁ ହେବ ପୂରା ଲକଡାଉନ

ଏହି ରାଜ୍ୟର ବିଜେପି ମୁଖ୍ୟଙ୍କୁ କରୋନା, କ୍ୱାରେଣ୍ଟାଇନରେ ରାମ ମାଧବ ଓ କେନ୍ଦ୍ରମନ୍ତ୍ରୀ ଜିତେନ୍ଦ୍ର

କେନ୍ଦ୍ରାପଡ଼ାରେ କାହିଁକି ବିବାହ ହୋଇଥିଲା?

ହସ୍ପିଟାଲରେ ଆଉ କେତେ ଦିନ ରହିବେ ବିଗ ବି ଓ ଅଭିଷେକ ବଚ୍ଚନ

୪ ବର୍ଷର ପୁଅ ଓ ସ୍ୱାମୀଙ୍କୁ ଏକାକରି ସବୁଦିନ ପାଇଁ ଚାଲିଗଲେ କରୋନା ଯୋଦ୍ଧା

ରାଜସ୍ଥାନ ମହାନାଟକ: ପଣବନ୍ଦୀର ଅଭିଯୋଗ ଆଣିଲେ ବିଧାୟକ

କାଲି ୧୦ଟା ବେଳେ ବଡ଼ ଘୋଷଣା କରିବେ ସଚିନ ପାଇଲଟ

ଭାରତକୁ ଇରାନ୍‌ ଝଟକା: ଫଣ୍ଡିଂ ନ କରିବାରୁ ଛାବାହାର ରେଳ ପ୍ରକଳ୍ପରୁ ନୂଆଦିଲ୍ଲୀ ଡ୍ରପ୍‌

ରାମ ଗୋପାଲ ବର୍ମାଙ୍କ ଫିଲ୍ମରେ ଓଡ଼ିଶାର ‘ରକ୍‌’, ଅପ୍‌ସରାଙ୍କ ବିପକ୍ଷରେ କରିବେ ଅଭିନୟ

ଜଲଦି ଉଠ, ପାଞ୍ଚଟା ବାଜିଲାଣି !

ବୁଧବାର ପ୍ରକାଶ ପାଇବ ସିବିଏସଇ ଦଶମ ଶ୍ରେଣୀ ପରୀକ୍ଷା ଫଳ

‘କରଣ ଭୟଭୀତ ଅଛନ୍ତି ଏବଂ କିଛି କହିବା ଅବସ୍ଥାରେ ନାହାନ୍ତି’