ପାଟଣା: ଅରୁଣାଚଳ ପ୍ରଦେଶର ଛଅ ଜେଡିୟୁ ବିଧାୟକ ବିଜେପିରେ ମିଶିବାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର। ଗତକାଲି ଦଳର ନୂଆ ଅଧ୍ୟକ୍ଷ ରାଜ୍ୟସଭା ସାଂସଦ ଆରପି ସିଂଙ୍କ ନାଁ ଘୋଷଣା କରିବା ପରେ ନୀତୀଶ ଏଭଳି ଅସନ୍ତୋଷ ପ୍ରକାଶ କରିଛନ୍ତି।
ଜେଡିୟୁ ମୁଖପାତ୍ର କେ.ସି ତ୍ୟାଗୀ କହିଛନ୍ତି, ମେଣ୍ଟ ରାଜନୀତିରେ ଏହା ଶୋଭା ପାଉନି। ବାଜପେୟୀଙ୍କ ସମୟରେ ହୋଇଥିବା ମେଣ୍ଟ ମାର୍ଗଦର୍ଶିକାକୁ ଅନୁସରଣ କରିବା ଦରକାର। ଯାହାକି ବିହାରରେ ୧୫ ବର୍ଷ ହେବ ପାଳନ ହୋଇଆସୁଛି। ବିଜେପିର ନାଁ ନେଇ ଏଭଳି କହିଛନ୍ତି କେସି ତ୍ୟାଗୀ।
ନୀତୀଶ କୁମାର କହିଛନ୍ତି, ମୋର ମୁଖ୍ୟମନ୍ତ୍ରୀ ହେବାକୁ ଇଚ୍ଛା ନାହିଁ। ବାଧ୍ୟ ହୋଇ ମୁଖ୍ୟମନ୍ତ୍ରୀ ଆସନରେ ବସିଛି। ବିଜେପିକୁ ଜନାଦେଶ ମିଳିଛି। ଯଦି ଆଉ କେହି ମୁଖ୍ୟମନ୍ତ୍ରୀ ଆସନରେ ବସିବେ ତାହେଲେ ମୋର କୌଣସି ଆପତ୍ତି ନାହିଁ। ମୁଁ ବାଧ୍ୟ ହୋଇ ମୁଖ୍ୟମନ୍ତ୍ରୀ ଆସନରେ ବସିଛି।
ସେହିପରି ନୂଆ ଅଧ୍ୟକ୍ଷ ଭାବରେ ନିଯୁକ୍ତ ହେବା ପରେ ସାଂସଦ ତଥା ପୂର୍ବତନ ଆଇଏଏସ ଆର ପି ସିଂ ବିଜେପିର ନାଁ ନନେଇ ଜେଡିୟୁର ଆଭିମୁଖ୍ୟ ସ୍ପଷ୍ଟ କରିଛନ୍ତି। ଜେଡିୟୁ କେବେ କାହାରିକୁ ଧୋକ୍କା ଦିଏନି କି ଷଡ଼ଯନ୍ତ୍ର କରେନି।
ସେହିପରି ରାଜ୍ୟରେ ‘ଲଭ୍ ଜିହାଦ୍’ ବିରୋଧରେ ଆଇନ୍ ହୋଇପାରିବ ନାହିଁ ବୋଲି କେସି ତ୍ୟାଗୀ ସ୍ପଷ୍ଟ କରିଛନ୍ତି। ଯାହାକି ବିଜେପି ଶାସିତ ରାଜ୍ୟର ଏକ ମୁଖ୍ୟ ପ୍ରସଙ୍ଗ ପାଲଟିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
