ମଉଳିଲା କଂଗ୍ରେସର ଆଶା, ବାଜି ପଲଟାଇ ଦେଲେ ଅମିତ ଶାହ

ନୂଆଦିଲ୍ଲୀ: ମଣିପୁରରେ କଂଗ୍ରେସର ସରକାର ଗଢ଼ିବା ଆଶା ଚୁରମାର ହୋଇଛି। ବିଜେପି ସରକାରକୁ ସହଯୋଗୀ ଏନପିପି, ଟିଏମସି ସମର୍ଥନ ପ୍ରତ୍ୟାହାର କରିବା ପରେ ବିରେନ ସିଂହ ସରକାର ଭାଙ୍ଗିବ ବୋଲି ଜଣାପଡ଼ୁଥିଲା। ହେଲେ ଆଜି ସକାଳେ ଏନପିପି ମୁଖ୍ୟ ତଥା ମେଘାଳୟ ମୁଖ୍ୟମନ୍ତ୍ରୀ କନରୋଡ ସାଙ୍ଗମା, ମଣିପୁରର ଉପମୁଖ୍ୟମନ୍ତ୍ରୀ ଶ୍ରୀ ଓ୍ୱାଇ ଜୟ କୁମାର ସିଂହ ଦିଲ୍ଲୀ ଗସ୍ତ କରି ବିଜେପି ସଭାପତି ଜେ.ପି ନଡ୍ଡା ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ। ଏହାପରେ ସମର୍ଥନ ପ୍ରତ୍ୟାହାର ନିଷ୍ପତ୍ତିରୁ ଏନପିପି ଓହରିଛି। ଏ ନେଇ ଆସାମ ସରକାରରେ ମନ୍ତ୍ରୀ ଥିବା ହିମନ୍ତ ବିଶ୍ୱ ଶର୍ମା ଟୁଇଟ୍ କରି ସୂଚନା ଦେଇଛନ୍ତି।

୧୯ ତାରିଖ ରାଜ୍ୟସଭା ନିର୍ବାଚନ ଥିଲା। ଏହା ପୂର୍ବରୁ ରାଜ୍ୟର ଶାସକ ଦଳ ବିଜେପିର ତିନି ବିଧାୟକ ଇସ୍ତଫା ଦେଇଥିଲେ। ଏଥିସହ ସହଯୋଗୀ ନ୍ୟାଶନାଲ ପିପୁଲସ ପାର୍ଟିର ବିଧାୟକ ମଧ୍ୟ ସମର୍ଥନ ପ୍ରତ୍ୟାହାର କରିବା ପରେ ଅଡ଼ୁଆରେ ପଡ଼ିଥିଲେ ବିରେନ ସିଂହ ସରକାର। ଏମିତିକି ଶାସକ ବିଜେପିକୁ ସମର୍ଥନ କରୁଥିବା ଟିଏମସି ଏବଂ ସ୍ୱାଧୀନ ବିଧାୟକ ମଧ୍ୟ ସମର୍ଥନ ପ୍ରତ୍ୟାହାର କରି ନେଇଥିଲେ। ଏହାପରେ କଂଗ୍ରେସ ସରକାର ଗଢ଼ିବ ବୋଲି ଫୁଲ ଦମରେ ପ୍ରସ୍ତୁତି ଚଳାଇଥିଲା। ଏହାରି ଭିତରେ କିନ୍ତୁ ଗୋଟିଏ ଆସନ ପାଇଁ ରାଜ୍ୟସଭା ଆସନ ହୋଇଥିଲା। ଆଉ ବିଜେପି ଏହି ଆସନରେ ବିଜୟୀ ହୋଇଥିଲା।

୨୦୧୭ରେ ମଣିପୁରରେ ବିଧାନସଭା ନିର୍ବାଚନ ହୋଇଥିଲା। ୬୦ଟି ଆସନରୁ କଂଗ୍ରେସ ୨୮ଟି ଜିତି ସର୍ବାଧିକ ଆସନରେ ବିଜୟୀ ହୋଇଥିଲା। ବିଜେପି ୨୧ଟି ଆସନରେ ବିଜୟୀ ହୋଇଥିଲା। ହେଲେ ଏନପିପି, ନାଗା ପୁପୁଲସ ଫ୍ରଣ୍ଟ (ଏନପିଏଫ) ଏବଂ ଲୋକ ଜନଶକ୍ତି ପାର୍ଟି (ଏଲଜେପି) ବିଜେପିକୁ ସମର୍ଥନ କରିଥିଲେ। ଏନପିପି ଏବଂ ଏନପିଏଫର ୪ ବିଧାୟକ, ଏଲଜେପିର ଜଣେ ବିଧାୟକ ଥିଲେ। ସେହିପରି ଜଣେ ସ୍ୱାଧୀନ ଏବଂ ଜଣେ ଟିଏମସି ବିଧାୟକ ସମର୍ଥନ କରିବାରୁ ବିଜେପି ଶାସନ ଗାଦିରେ ବସିଥିଲା।

ଏବେ ଏନପିପି ସହିତ ଅନ୍ୟାନ୍ୟ ଦଳ ମଧ୍ୟ ବିଜେପିକୁ ସମର୍ଥନ କରିବେ ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି।

ଆହୁରି ପଢ଼ନ୍ତୁ

ଅପ୍‌ସରାଙ୍କୁ ପ୍ରଶଂସା ଆଳରେ ‘ଓଡ଼ିଶା’କୁ ନୀଚ ଦେଖାଇଲେ ରାମୁ, ମିଳିଲା କଡ଼ା ଜବାବ

କାହିଁକି ୫ ବର୍ଷ ପାଇଁ ଦାଦାଙ୍କୁ ଟିମ୍‌ରୁ ବାଦ ଦେଇଥିଲା ବିସିସିଆଇ

ଜୁଲାଇ ୮, ବୁଧବାର: ମନ ପ୍ରଫୁଲ୍ଲ ରହିବ

ବ୍ରାଜିଲ ରାଷ୍ଟ୍ରପତି ମହାମାରୀ କରୋନାରେ ଆକ୍ରାନ୍ତ

ଲଦାଖରେ ୨୦ ହଜାର କୋଟିର ରାସ୍ତାକାମ ଯଥାଶୀଘ୍ର ସାରିବାକୁ ନିର୍ଦ୍ଦେଶ

ଚାଇନାରେ ଚିହ୍ନଟ ହେବା ପୂର୍ବରୁ ସମଗ୍ର ବିଶ୍ୱରେ ଲୁଚି ରହିଥିଲା କରୋନା!

ରେଳଲାଇନରୁ ମିଳିଲା ଆଦିତ୍ୟଙ୍କ ମୃତଦେହ

ଜୁଲାଇ ୭, ମଙ୍ଗଳବାର: ନକାରାତ୍ମକ ଚିନ୍ତା ଠାରୁ ଦୂରେଇ ରୁହନ୍ତୁ

ପ୍ରଧାନମନ୍ତ୍ରୀଙ୍କୁ ଘେରିଲା କଂଗ୍ରେସ

ଦୁଇ ଘଣ୍ଟା କଥା ହେଲେ ଡୋଭାଲ, ୨ କିଲୋମିଟର ପଛକୁ ହଟିଲା ଡ୍ରାଗନ!

ଚୀନ୍ ବିବାଦ : ନବ-ସାମ୍ରାଜ୍ୟବାଦୀ ପୁଞ୍ଜିବାଦ ସହ ଯୁଦ୍ଧ

ସଚିନ ଓପନ କରନ୍ତି, ହେଲେ କାହିଁକି ପ୍ରଥମ ବଲ୍‌ ଷ୍ଟ୍ରାଇକ୍‌ କରନ୍ତି ନାହିଁ? ଗୁମର ଖୋଲିଲେ ଦାଦା