ନୂଆଦିଲ୍ଲୀ: ଦିନେ ସେ ଥିଲେ ଆତଙ୍କବାଦୀ। ଏମିତି କାମ କରିଗଲେ ଭାରତ ସରକାର ତାଙ୍କୁ ବୀରତା ପୁରସ୍କାର ‘ଅଶୋକ ଚକ୍ର’ ସମ୍ମାନରେ ସମ୍ମାନିତ କରିବାକୁ ଯାଉଛନ୍ତି। ଆସନ୍ତା ଜାନୁଆରୀ ୨୬ ତାରିଖରେ ତାଙ୍କୁ ମରଣୋତ୍ତର ‘ଅଶୋକ ଚକ୍ର’ ସମ୍ମାନରେ ସମ୍ମାନିତ କରାଯିବ।
ଏହି ସାହସୀ ଯୁବକ ଜଣଙ୍କ ହେଲେ ଲାନ୍ସ ନାଏକ ନଜିର ଅହମ୍ମଦ ୱାନି। ଗତ ନଭେମ୍ବର ୨୫ ତାରିଖରେ କଶ୍ମୀରର ସୋପିଆନରେ ଏକ ଆତଙ୍କବାଦୀ ଅପରେଶନ ସମୟରେ ୱାନି ସହିଦ ହୋଇଥିଲେ।
ତେବେ ଅହମ୍ମଦଙ୍କ ଅତୀତ ସାଧାରଣ ଯବାନଙ୍କ ପରି ନଥିଲା। ଦିନେ ସେ ଥିଲେ ଆତଙ୍କବାଦୀ। ବନ୍ଧୁକ ମୁନରେ ହିଂସା ସୃଷ୍ଟି କରିବା ଥିଲା ତାଙ୍କ ଉଦ୍ଦେଶ୍ୟ। ହେଲେ ସମୟ ଗଡ଼ିବା ସହ ତାଙ୍କ ମନୋଭାବରେ ପରିବର୍ତ୍ତନ ଘଟିଥିଲା। ଅସ୍ତ୍ର ଛାଡ଼ି ସେ ସମାଜର ମୁଖ୍ୟସ୍ରୋତରେ ସାମିଲ ହୋଇଥିଲେ। ଏହାପରେ ଦେଶ ସେବା କରିବା ପାଇଁ ସେ ୨୦୦୪ରେ ଭାରତୀୟ ସେନାରେ ଯୋଗ ଦେଇଥିଲେ। ସେବେଠାରୁ ଦକ୍ଷିଣ କଶ୍ମୀରରେ ଏକାଧିକ ଆତଙ୍କବାଦୀ ବିରୋଧୀ ଅପରେଶନରେ ସାମିଲ ହୋଇ ୱାନି ନିଜ ଦକ୍ଷତା ପ୍ରତିପାଦିତ କରିଥିଲେ।
ଆତଙ୍କବାଦୀଙ୍କ ବିରୋଧରେ ଲଢ଼େଇରେ ଅଦମ୍ୟ ସାହସ ଦେଖାଇଥିବା କାରଣରୁ ପୂର୍ବରୁ ତାଙ୍କୁ ସେନା ମେଡାଲ୍ରେ ମଧ୍ୟ ସମ୍ମାନିତ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
