ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ହୁହୁ ହୋଇ ବଢ଼ିବାରେ ଲାଗିଛି। ସ୍ଥିତି ଏପରି ହେଲାଣି ଯେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୭ ଲକ୍ଷ ନିକଟରେ ପହଞ୍ଚି ଯାଇଛି। ସେହିପରି ଭାରତ ଏବେ କରୋନା ଦ୍ୱାରା ପ୍ରଭାବିତ ରାଷ୍ଟ୍ର ତାଲିକାର ୩ନଂ ସ୍ଥାନରେ ରହିଛି। ଏସବୁ ଭିତରେ ଭାରତରେ ଏଯାଏ କେତେ କରୋନା ଟେଷ୍ଟ ହୋଇଛି, ତା’ର ସୂଚନା ଦେଇଛି ଆଇସିଏମଆର।
ଆଇସିଏମଆର ଅଧୀନରେ ହିଁ ସମଗ୍ର ଦେଶର ବିଭିନ୍ନ ସରକାରୀ ଓ ବେସରକାରୀ ଲ୍ୟାବରେ କରୋନା ଟେଷ୍ଟ କରାଯାଉଛି। ଆଇସିଏମଆର କହିଛି ଯେ ବର୍ତ୍ତମାନ ଦୈନିକ ପ୍ରାୟ ୨ ଲକ୍ଷ ନମୁନା ଟେଷ୍ଟ କରାଯାଉଛି। ଜାନୁଆରୀରୁ ଆଜିକ ମଧ୍ୟରେ ସମଗ୍ର ଦେଶରେ ମୋଟ ୧,୦୦,୦୪,୧୦୧ ନମୁନା ପରୀକ୍ଷା କରାଯାଇଛି।
ଜୁନ୍ ୫ରେ କେବଳ ୧,୮୦,୫୮୬ଟି ନମୁନା ପରୀକ୍ଷା କରାଯାଇଛି। ୧୪ ଦିନର ହାରାହାରି ନମୁନା ପରୀକ୍ଷଣକୁ ଦେଖିଲେ, ଏହା ୨ ଲକ୍ଷ ୧୫ ହଜାର ରହିଛି। ଗତ ୫ ଦିନରେ ୧୦ ଲକ୍ଷରୁ ଅଧିକ ନମୁନା ପରୀକ୍ଷା ହୋଇଛି। ଟେଷ୍ଟକୁ ବ୍ୟାପକ କରିବା ପାଇଁ ଆଇସିଏମଆର ୭୮୮ ସରକାରୀ ଓ ୩୧୭ ଘରୋଇ ଲ୍ୟାବରେ କରୋନା ପରୀକ୍ଷା କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
