ଇସ୍ଲାମାବାଦ: ପୁଲୱାମା ଆକ୍ରମଣ ପରେ ଭାରତର ପ୍ରତିଶୋଧ ନେବାର ମୁଡ୍ ଦେଖି ପାକିସ୍ତାନ ଭୟଭୀତ ହୋଇପଡ଼ିଥିବା ମନେହେଉଛି। ପାକିସ୍ତାନର ୱାଜିର-ଏ ଆଜମ୍ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ସିଧାସଳଖ ଭାରତକୁ ପ୍ରତିଆକ୍ରମଣ ଧମକ ଦେଇଥିବା ବେଳେ ପାକିସ୍ତାନୀ କ୍ରିକେଟର ଶାହିଦ ଆଫ୍ରିଦି ଏହାକୁ ସମର୍ଥନ କରିଛନ୍ତି।
ଖାଲି ଆଫ୍ରିଦି ନୁହନ୍ତି, ଏକାଧିକ ବଲିଉଡ୍ ଫିଲ୍ମରେ ଅଭିନୟ କରିଥିବା ପାକିସ୍ତାନ କଳାକାର ଅଲୀ ଜାଫର ମଧ୍ୟ ତାଙ୍କ ଦେଶର ୱାଜିର-ଏ ଆଜମଙ୍କୁ ସମର୍ଥନ ଜଣାଇଛନ୍ତି।
ଆଜି ଇମ୍ରାନ୍ କହିଥିଲେ, “ଆପଣ(ଭାରତ) ପାକିସ୍ତାନ ସରକାରଙ୍କୁ ବିନା ପ୍ରମାଣରେ ଦୋଷ ଦେଇ ଆସୁଛନ୍ତି। ଯଦି ଆପଣଙ୍କ ପାଖରେ ପ୍ରମାଣ ଅଛି, ଆମେ କାର୍ଯ୍ୟାନୁଷ୍ଠାନ ନେବୁ।ଯଦି ଆପଣ ଭାବୁଛନ୍ତି ଆମ ଉପରେ ଆକ୍ରମଣ କରିବେ, ଆମେ ବି ପ୍ରତିଆକ୍ରମଣ କରିବୁ।
ଆମେ ମଧ୍ୟ ଜାଣିଛୁ ଯୁଦ୍ଧ ଆରମ୍ଭ କରିବା ମଣିଷ ହାତରେ ରହିଛି, କିନ୍ତୁ ତାହା କେଉଁଠି ସରିବ ସେକଥା କେବଳ ଭଗବାନ ଜାଣନ୍ତି। ଏହି ପ୍ରସଙ୍ଗର ସମାଧାନ ଆଲୋଚନା ଜରିଆରେ ହେବା ଆବଶ୍ୟକ।”
ଇମ୍ରାନ୍ ଖାନ୍ ଯେଉଁ ଭିଡିଓ ଜରିଆରେ ଏକଥା କହିଥିଲେ ଆଫ୍ରିଦି ଏହାକୁ ନିଜ ଟ୍ୱିଟରରେ ପୋଷ୍ଟ କରିଛନ୍ତି। ଏଥିସହ ସେ ପ୍ରଧାନମନ୍ତ୍ରୀ ଇମ୍ରାନ ଠିକ୍ କଥା କହିଛନ୍ତି ବୋଲି ମନ୍ତବ୍ୟ ଦେଇଛନ୍ତି। ସେହିପରି ଅଲୀ ଜାଫର ମଧ୍ୟ ଟ୍ୱିଟ୍ କରି ଏହା ଏକଦମ ଠିକ୍ କଥା ଏବଂ ଏକ ବେଶ ଭଲ ବାର୍ତ୍ତା ବୋଲି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
