ଅଲମାଟି: ବିମାନ ବନ୍ଦରରୁ ଟେକ୍ ଅଫ୍ ନେବା ବେଳେ ଏକ ଦୁଇ ମହଲା କୋଠା ସହ ଏକ ଯାତ୍ରୀବାହୀ ବିମାନ ବାଡ଼େଇ ହୋଇଛି। ଫଳରେ ଏକ ବଡ଼ ବିମାନ ଦୁର୍ଘଟଣା ଘଟିଛି। କାଜାଖସ୍ତାନର ଅଲମାଟି ବିମାନ ବନ୍ଦର ନିକଟରେ ଏହି ଦୁର୍ଘଟଣା ଘଟିଛି। ବିମାନରେ ୯୫ ଯାତ୍ରୀ ଏବଂ ୫ ଜଣ କ୍ର୍ୟୁ ସଦସ୍ୟ ଥିଲେ। ବିମାନଟି କାଜାଖସ୍ତାନର ସବୁଠୁ ବଡ଼ ସହର ଅଲମାଟିରୁ ଦେଶର ରାଜଧାନୀ ନୁରୁସୁଲ୍ତାନ ଯାଉଥିଲା।
ମିଳିଥିବା ରିପୋର୍ଟ ଅନୁୟାୟୀ ଏଯାବତ ୧୪ ଜଣ ଯାତ୍ରୀଙ୍କର ମୃତ ଦେହ ଉଦ୍ଧାର ହୋଇଛି। ଅନେକ ଆହତ ହୋଇଥିବା ସୂଚନା ରହିଛି। ବେକ୍ ଏୟାର ଫ୍ଲାଇଟ୍ ୨୧୦୦ ସ୍ଥାନୀୟ ସମୟ ଅନୁସାରେ ଆଜି ସକାଳ ୭ଟା ୦୫ରେ ଅଲମାଟି ବିମାନ ବନ୍ଦରରୁ ଟେକ୍ ଅଫ୍ କରିବାର କିଛି ସମୟ ପରେ ରାଡ଼ାର ସହିତ ଯୋଗାଯୋଗ ବିଚ୍ଛିନ୍ନ ହୋଇଥିଲା।
Kazakhstan plane crash: Bek Air plane goes down near Almaty airport; multiple fatalities reported
— Breaking911 (@Breaking911) December 27, 2019
ବିମାନଟି ଦୁର୍ଘଟଣାର ଶିକାର ହେବା ପରର ଭିଡିଓ ଚିତ୍ର ହସ୍ତଗତ ହୋଇଛି। ଦୁର୍ଘଟଣାର ଶିକାର ହେବା ପରେ ବିମାନରେ ନିଆଁ ଲାଗିଯାଇଥିଲା। ଖାଲି ବିମାନ ନୁହେଁ ପାଖରେ ଥିବା ଘର ଗୁଡ଼ିକରେ ମଧ୍ୟ ନିଆଁ ଲାଗିଯାଇଥିବା ଦେଖିବାକୁ ମିଳିଛି।
ବିମାନଟି ଦୁର୍ଘଟଣାର ଶିକାର ହେବା ପରେ ଘଟଣାସ୍ଥଳରେ ଦମକଳ ବିହାନୀ ପହଞ୍ଚି ନିଆଁ ଲିଭାଇଛନ୍ତି। ଏଥିସହ ବିମାନଟି ଖସି ପଡ଼ିଥିବା ସ୍ଥାନରେ ସ୍ଥାନୀୟ ଲୋକ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।