ନୂଆଦିଲ୍ଲୀ: ଗୁଲଓ୍ୱାନରେ ଭାରତ ଏବଂ ଚୀନ୍ ସେନା ମଧ୍ୟରେ ସଂଘର୍ଷ ପରେ ଦେଶର ଶାସକ ଦଳ ବିଜେପି ବିରୋଧୀ କଂଗ୍ରେସ ମଧ୍ୟରେ ଆରୋପ ପ୍ରତ୍ୟାରୋପ ଚାଲିଛି। କଂଗ୍ରେସ ସରକାର ବେଳେ ଚୀନ୍ ସରକାର ସହିତ ସମ୍ପର୍କକୁ ନେଇ ଶାସକ ଦଳ ବିଜେପି ଘେରୁଛି। ଏବେ କଂଗ୍ରେସ ବିଜେପିକୁ ପାଲଟା ପ୍ରଶ୍ନ କରିଛି। ପ୍ରଧାନମନ୍ତ୍ରୀଙ୍କୁ ସିଧା ପ୍ରଶ୍ନ କରିଛି କଂଗ୍ରେସ। ଚୀନ୍ କମ୍ପାନୀରୁ ପିଏମ କେୟାର ଫଣ୍ଡକୁ ଆସିଥିବା ଟଙ୍କାକୁ ନେଇ ଘେରିଛି କଂଗ୍ରେସ।
କଂଗ୍ରେସ ନେତା ଅଭିଷେକ ମନୁ ସିଂଭି କହିଛନ୍ତି, “ଚୀନ୍ ସହିତ ଶତ୍ରୁତା ସୃଷ୍ଚି ହୋଇଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପିଏମ-କେୟାର ପାଣ୍ଠିରେ ଚାଇନାର ଟଙ୍କା କାହିଁକି ଆସିଛି? ବିବାଦୀୟ କମ୍ପାନୀ ହୁଆୱାଇରୁ ପ୍ରଧାନମନ୍ତ୍ରୀ ୭ କୋଟି ଟଙ୍କା ପାଇଛନ୍ତି କି? ଚାଇନାର ପିପୁଲ୍ସ ଲିବରେସନ୍ ଆର୍ମି (ପିଏଲଏ) ସହିତ ହୁୱାଇର ସିଧାସଳଖ ସମ୍ପର୍କ ଅଛି କି? ଚାଇନାର କମ୍ପାନୀ ଟିକଟକ୍ ପିଏମ କେୟାର ଫଣ୍ଡକୁ ୩୦ କୋଟି ଟଙ୍କା ଦାନ କରିଛି କି? ” କଂଗ୍ରେସ ମଧ୍ୟ ପ୍ରଶ୍ନ କରିଛି ଯେ ୩୮ ପ୍ରତିଶତ ଚିନି ମାଲିକାନା ଥିବା ପେଟିଏମ୍ ୧୦୦ କୋଟି ଟଙ୍କା ଦେଇଛି କି, ଓପୋ ୧ କୋଟି ଟଙ୍କା ଦେଇଛି କି?”
ସିଂଘଭୀ କହିଛନ୍ତି, ଯେତେବେଳେ ଚୀନ ସେନା ଆମ ଦେଶ ଭିତରେ ବଳ ପୂର୍ବକ ପ୍ରବେଶ କରୁଛନ୍ତି ସେତେବେଳେ ସେହି ଦେଶର କମ୍ପାନୀ ପାଖରୁ କେମିତି ଟଙ୍କା ନେଉଛନ୍ତି? ମେ ୨୦, ୨୦୨୦ ସୁଦ୍ଧା ଏହି ପିଏମ୍ କେୟାର ପାଣ୍ଠିକୁ ୯,୬୭୮ କୋଟି ଟଙ୍କା ଆସିଛି। ଏଯାବତ କେତେ କୋଟି ଟଙ୍କା ବିନିଯୋଗ କରାଯାଇଛି?
ଚୀନ୍ କମ୍ପାନୀଗୁଡିକରୁ ଶହ ଶହ କୋଟି ଟଙ୍କା ଦାନ ଗ୍ରହଣ କରି ଯଦି ଭାରତର ପ୍ରଧାନମନ୍ତ୍ରୀ ତାଙ୍କ ସ୍ଥିତିକୁ ସାମ୍ନା କରିବେ, ତେବେ ସେ ଚୀନ୍ ଆକ୍ରମଣରୁ ଦେଶକୁ କିପରି ରକ୍ଷା କରିବେ ବୋଲି ଏହି କଂଗ୍ରେସ ନେତା ପ୍ରଶ୍ନ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
