କୋଭିଡରେ ଆକ୍ରାନ୍ତ ଗର୍ଭବତୀ ଗୁରୁତର ହୋଇପାରନ୍ତି: ରିପୋର୍ଟ

  • କୋଭିଡ୍ ପାଇଁ ଗର୍ଭବତୀ ମହିଳାଙ୍କ ପ୍ରତି ବିପଦ ରହିଛି: ସିଡିସି
  • ମାର୍ଚ୍ଚ ୧ ରୁ ଅଗଷ୍ଟ ୨୨ ମଧ୍ୟରେ ୬୦୦ ଗର୍ଭବତୀଙ୍କୁ ନେଇ ଗବେଷଣା ହୋଇଛି
  • ମୋଟ୍ ଆକ୍ରାନ୍ତଙ୍କ ମଧ୍ୟରୁ ୧୬% ଆଇସିୟୁରେ, ୮% ଭେଣ୍ଟିଲେଟରରେ ଭର୍ତ୍ତି ହୋଇଥିଲେ
  • ମୃତ୍ୟୁ ହାର ବହୁତ୍ କମ୍

ନୂଆଦିଲ୍ଲୀ: କରୋନାରେ ଆକ୍ରାନ୍ତ ଗର୍ଭବତୀଙ୍କ ପାଖରୁ ନବଜାତ ଶିଶୁଙ୍କୁ କରୋନା ସଂକ୍ରମିତ ହେବାର ସମ୍ଭାବନା କମ୍ ରହିଛି। ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏଭଳି କହିଥିଲା। କିନ୍ତୁ ଗର୍ଭବତୀଙ୍କୁ ‘ହାଇ-ରିସ୍କ’ ବର୍ଗରେ ରଖିବାକୁ ହେବ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ କହିଥିଲା।  ଏହି ସମୟରେ, ଗର୍ଭାବସ୍ଥାରେ ଜଟିଳତା ଏବଂ ଜନ୍ମିତ ଶିଶୁ ପାଇଁ ବିପଦ ହୋଇପାରେ ବୋଲି କହିଥିଲା WHO।

ତେବେ ଆମେରିକାର ସେଣ୍ଟର ଫର୍ ଡିଜିଜ୍ ଏବଂ କଣ୍ଟ୍ରୋଲ ଏବଂ ପ୍ରିଭେନସନ (Centers for Disease Control and Prevention) ଏହାକୁ ନେଇ ନୂଆ ରିପୋର୍ଟ ଦାଖଲ କରିଛି। ଯେଉଁଥିରେ କୁହାଯାଇଛି ଯେ କୋଭିଡ୍-୧୯ରେ ଡାକ୍ତରଖାନାରେ ଭର୍ତ୍ତି ହୋଇଥିବା ଗର୍ଭବତୀ ମହିଳାମାନେ ଗୁରୁତର ରୋଗର ଶିକାର ହେବାର ଆଶଙ୍କା ରହିଛି। ଏମିତିକି କୋଭିଡ୍ ପାଇଁ ଗର୍ଭପାତ ସମୟରେ ଅନେକ ଅଡ଼ୁଆ ହୋଇପାରେ।

ସିଡିସି ଦ୍ୱାରା ଗବେଷଣା ହୋଇଥିବା ରିପୋର୍ଟରେ କୁହାଯାଇଛି ଯେ, ମାର୍ଚ୍ଚ ୧ ରୁ ଅଗଷ୍ଟ ୨୨ ମଧ୍ୟରେ ଡାକ୍ତରଖାନାରେ ଭର୍ତ୍ତି ହୋଇଥିବା ୬୦୦ ଜଣଙ୍କ ମଧ୍ୟରୁ ୫୫ ପ୍ରତିଶତଙ୍କ ପାଖରେ କୌଣସି ଲକ୍ଷଣ ନଥିଲା। ସେପ୍ଟେମ୍ବର ୧୬ରେ ପ୍ରକାଶିତ ସିଡିସିର ମର୍ବିଡିଟି ଏବଂ ମୃତ୍ୟୁହାର ସାପ୍ତାହିକ ରିପୋର୍ଟକୁ ଉଦ୍ଧୃତ କରି ସିଡିସି ଏହା କହିଛି।

ହେଲେ ୬୦୦ ଜଣଙ୍କ ମଧ୍ୟରୁ ୨୭୨ ମହିଳା ସଂକ୍ରମିତ ହୋଇଥିଲେ। ମୋଟ୍ ଆକ୍ରାନ୍ତଙ୍କ ମଧ୍ୟରୁ ୧୬% ଆଇସିୟୁରେ ଭର୍ତ୍ତି ହୋଇଥିବା ବେଳେ ୮% ଭେଣ୍ଟିଲେଟରରେ ଭର୍ତ୍ତି ହୋଇଥିଲେ ଏବଂ ଦୁଇ ଜଣ ମହିଳା କୋଭିଡରେ ପ୍ରାଣ ହରାଇଥିଲେ। ତେବେ ଯେଉଁମାନଙ୍କ ପାଖରେ କୌଣସି ଲକ୍ଷଣ କିମ୍ୱା ଆଇସିୟୁ, ଭେଣ୍ଟିଲେଟରର ସହଯୋଗ ଲୋଡ଼ିନଥିଲେ ସେମାନଙ୍କ ମଧ୍ୟରୁ କାହାରି ମୃତ୍ୟୁ ହୋଇନଥିଲା।

ଏହି ୬୦୦ ଜଣଙ୍କ ମଧ୍ୟରୁ ୩୨୪ ମହିଳା ପ୍ରସବ କିମ୍ବା ପ୍ରସବ ଜନିତ ପୀଡ଼ା ଦର୍ଶାଇ ଭର୍ତ୍ତି ହୋଇଥିଲେ। ଏହାବାଦ୍ ୧୯ପ୍ରତିଶତ କୋଭିଡ୍-୧୯ ସମ୍ବନ୍ଧୀୟ ରୋଗ କିମ୍ବା ଲକ୍ଷଣ ପାଇଁ ଡାକ୍ତରଖାନାରେ ଭର୍ତ୍ତି ହୋଇଥିଲେ। ମାର୍ଚ୍ଚରୁ ଅଗଷ୍ଟ ମଧ୍ୟରେ ହୋଇଥିବା ଏହି ସର୍ଭେରେ ପ୍ରଥମ ତିନି ମାସ ହସ୍ପିଟାଲରେ ଭର୍ତ୍ତି ହେବାର କାରଣ କୋଭିଡ୍୧୯ ଥିଲା ବୋଲି ଜଣାପଡ଼ିଛି। ହେଲେ ତିନି ମାସ ପରେ ଅଧିକାଂଶ ପ୍ରସବ ଜନିତ କାରଣରୁ ଭର୍ତ୍ତି ହୋଇଥିଲେ। ତେବେ ଗର୍ଭବତୀ ମହିଳାମାନଙ୍କ ମଧ୍ୟରେ ୨୧ ପ୍ରତିଶତଙ୍କ ପାଖରେ ଆଜମା କିମ୍ବା ଉଚ୍ଚ ରକ୍ତଚାପ ଥିଲା।

ରିପୋର୍ଟରେ ଦର୍ଶାଯାଇଛି ଯେ ହସ୍ପିଟାଲରୁ ଡିସଚାର୍ଜ ହେବା ସମୟରେ ୯୭.୮ ପ୍ରତିଶତ ମହିଳାଙ୍କ ପ୍ରସବ ବେଳେ କୌଣସି ଅସୁବିଧା ନଥିଲା। ହେଲେ ୨.୨ ପ୍ରତିଶତ ପ୍ରସବ ଜନିତ ସମସ୍ୟାରେ ପଡ଼ିଥିଲେ। ଏହି ୨.୨ ପ୍ରତିଶତରେ ଉଭୟ କରୋନା ଲକ୍ଷଣ ଏବଂ ଲକ୍ଷଣନଥିବା ଗର୍ଭବତୀ ରହିଛନ୍ତି।

୯୭.୮ ପ୍ରତିଶତଙ୍କ ମଧ୍ୟରୁ ୮୭.୪ ପ୍ରତିଶତ ଶିଶୁଙ୍କର ଜନ୍ମ ସ୍ୱାଭାବିକ ରହିଥିଲା। ସେହିପରି ୧୩ ପ୍ରତିଶତ ଆଗୁଆ ଜନ୍ମ ହୋଇଥିଲେ ବୋଲି ଜଣାପଡ଼ିଛି। ଏହି ୧୩ ପ୍ରତିଶତଙ୍କ ମଧ୍ୟରେ ଥିବା ଲକ୍ଷଣ ଥିବା ପ୍ରସୂତିଙ୍କର ଗର୍ଭପାତ କରାଇବା ୨୩ ପ୍ରତିଶତ ଅଧିକ ରିସ୍କ ରହିଥିଲା ଏବଂ ଲକ୍ଷଣ ନଥିବା ଲୋକଙ୍କ ପାଖରେ ୮ ପ୍ରତିଶତ ରିସ୍କ ଥିଲା ବୋଲି ଜଣାପଡ଼ିଛି।

ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ଗର୍ଭବତୀ ମହିଳାଙ୍କ ଉପରେ ବିଶେଷ ଧ୍ୟାନ ଦିଆଯିବା ଉଚିତ। ସିଡିସିର ନିର୍ଦ୍ଦେଶାବଳୀରେ କୁହାଯାଇଛି ଯେ ଜଣେ ବ୍ୟକ୍ତି ଯିଏ ୧୫ ମିନିଟରୁ ଅଧିକ ସମୟ ଧରି କୋଭିଡ୍-୧୯ ପଜିଟିଭ୍ ରୋଗୀଙ୍କ ସହିତ ସମ୍ପର୍କରେ ନାହାନ୍ତି ଯଦି ସେମାନଙ୍କର ଲକ୍ଷଣ ନଥାଏ ତେବେ ପରୀକ୍ଷା କରିବା ଆବଶ୍ୟକ ନାହିଁ।

ଆହୁରି ପଢ଼ନ୍ତୁ

ଗିରଫ ହେଲେ ଧର୍ମା ପ୍ରଡକ୍ସନର କ୍ଷୀତିଜ, କରଣ କହିଲେ ଏମିତି…

ଚାଷୀଙ୍କୁ ଅପମାନ କରିଥିବା କଙ୍ଗନାଙ୍କ ନାଁରେ ଅପରାଧିକ ମାମଲା ରୁଜୁ

ଚାଇନା ସାମ୍ବାଦିକଙ୍କ ରହଣି ଉପରେ କଟକଣା ଲଗାଇବ ଆମେରିକା

କ’ଣ ଖାଇବେ, କ’ଣ ନ ଖାଇବେ, ଆଉ କିପରି ଖାଇବେ ଜାଣନ୍ତୁ…

ପଞ୍ଚଭୂତରେ ଲୀନ ହେଲେ ସ୍ୱର ସମ୍ରାଟ ବାଲସୁବ୍ରମଣ୍ୟମ

‍‍୫୦ ଲକ୍ଷ ପାଖରେ ଦେଶରେ କରୋନା ସୁସ୍ଥଙ୍କ ସଂଖ୍ୟା, ମୃତ୍ୟୁସଂଖ୍ୟା ୯୩,୪୨୦

ରାମ ମନ୍ଦିର ପରେ ଶ୍ରୀକୃଷ୍ଣଙ୍କ ଜମି ପୁନରୁଦ୍ଧାର ପାଇଁ କୋର୍ଟ ପହଞ୍ଚିଲେ ଭକ୍ତ

ଏନସିବି ରାଡାରରେ କରଣ ଜୋହର, ଟ୍ୱିଟ୍ କରି କହିଲେ ମୋ ଘରେ ଡ୍ରଗ୍ସ ପାର୍ଟି ହୋଇନି

ସମ୍ପର୍କୀୟଙ୍କ ଦ୍ୱାରା ହତ୍ୟାର ଶିକାର ହେଲେ ମହିଳା, ଦୁଇ ଝିଅ ଗୁରୁତର

ସୋରିଷ ତେଲରେ ଅନ୍ୟାନ୍ୟ ତେଲ ମିଶ୍ରଣ ଉପରେ ଲାଗିଲା ରୋକ୍

‘ଟିକା ସମସ୍ତଙ୍କ ପାଖରେ ପହଞ୍ଚିବା ପୂର୍ବରୁ ବିଶ୍ୱରେ ୨୦ ଲକ୍ଷ ଲୋକଙ୍କ ମୃତ୍ୟୁ ହୋଇପାରେ’

ମିଳିତ ଜାତିସଂଘରେ କଶ୍ମୀର ପ୍ରସଙ୍ଗ ଉଠାଇଲା ପାକ୍, ବର୍ଷିଲା ଭାରତ