ନୂଆଦିଲ୍ଲୀ: ପୁଣି ନୂଆଦିଲ୍ଲୀ ଗଣଦୁଷ୍କର୍ମ ପାଇଁ ଚର୍ଚ୍ଚାରେ। ପୁଣି ୨୫ ବର୍ଷୀୟ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ ହୋଇଛି। ଗତକାଲି ସନ୍ଧ୍ୟାରେ ଦକ୍ଷିଣପୂର୍ବ ଦିଲ୍ଲୀର ଦକ୍ଷୀଣପୁରୀଠାରେ ଜଣେ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ ହୋଇଛି। ଏଥିରେ ସମ୍ପୃକ୍ତ ଥିବା ୫ ଜଣ ଅଭିଯୁକ୍ତଙ୍କୁ ନୂଆଦିଲ୍ଲୀ ପୁଲିସ ଗରିଫ କରିଛି। ଗଣଦୁଷ୍କର୍ମର ଶିକାର ହୋଇଥିବା ମହିଳାଜଣଙ୍କ ପଶ୍ଚିମ ଦିଲ୍ଲୀର ଉତ୍ତମ ନଗରରୁ ଦକ୍ଷିଣ ଦିଲ୍ଲୀର ଡିଫେନ୍ସ କଲୋନୀକୁ ଅଟୋ ଯୋଗେ ଯାଉଥିଲେ। ଏହି ସମୟରେ ୪ ଜଣ ଲୋକ ଏକ ସେଣ୍ଟ୍ରୋ କାର ଆସି ତାଙ୍କୁ କାର ଭିତରକୁ ଭଡି ନେବା ସହ ଅଟୋ ଡ୍ରାଇଭରଙ୍କୁ ମାଡ ମାରିଥିବା ଅଭିଯୋଗ ହୋଇଛି। ସୂଚନାଯୋଗ୍ୟ ଯେ, କାରରେ ଥିବା ଚାରିଜଣ ଅଭିଯୁକ୍ତ ପିଡିତାଙ୍କୁ ଦକ୍ଷୀଣପୁରୀଙ୍କୁ ନେଇଯାଇଥିଲେ। ସେଠାରେ ପୂର୍ବରୁ ଥିବା ଆଉଜଣେ ଅଭିଯୁକ୍ତଙ୍କ ସହ ମିଶି ଉକ୍ତ ମହିଳାଙ୍କୁ ଗଣବଳାତ୍କାର କରିଥିଲେ ଅଭିଯୁକ୍ତ । ଏହାପରେ ପଡିତାଙ୍କୁ ଡିଫେନ୍ସ କଲୋନୀ ନିକଟରେ ଚଳନ୍ତା କାରରୁ ଠେଲି ଦେଇଥିଲେ। ଅଟୋ ଡ୍ରାଇଭର ଓ ପିଡିତାଙ୍କ ବୟାନ ରେକର୍ଡ କରିବା ପରେ ୫ ଅଭିଯୁକ୍ତଙ୍କୁ ଗିରଫ କରାଯିବା ସହ ଏଥିରେ ବ୍ୟବହୃତ ହୋଇଥିବା କାରକୁ ଜବତ କରାଯାଇଛି। ପିଡିତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଡାକ୍ତରଖାନରେ ଭର୍ତ୍ତି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
