ତିରୁଅନନ୍ତପୁରମ୍: ଏପ୍ରିଲ ୧୦ ତାରିଖରେ କେରଳର କୋଲ୍ଲାମର ପାରାଭୁର ସ୍ଥିତ ପୁତ୍ତିଙ୍ଗଲ ମନ୍ଦିରରେ ବାଣ ବିସ୍ଫୋରଣ ଯୋଗୁଁ ଅଗ୍ନିକାଣ୍ଡ ପରେ ଫେରାର ହୋଇଯାଇଥିବା ମନ୍ଦିର କମିଟିର ୫ ଜଣ ସଦସ୍ୟ କ୍ରାଇମବ୍ରାଞ୍ଚ ନିକଟରେ ଆତ୍ମ ସମର୍ପଣ କରିଛନ୍ତି। ଅନ୍ୟ ଜଣେ କମିଟି ସତସ୍ୟ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଅଗ୍ନିକାଣ୍ଡ ଘଟଣାରେ ଏହି ୬ ଜଣଙ୍କୁ ପୋଲିସ ଖୋଜୁଥିଲା।
ଆତ୍ମସମର୍ପଣ କରିଥିବା ବ୍ୟକ୍ତିମାନେ ହେଲେ ମନ୍ଦିର କମିଟି ସଭାପତି ଜୟା ଲାଲା, ସଚିବ କୃଷ୍ଣାକୁଟ୍ଟି ପିଲ୍ଲଇ, କମିଟିର ୩ ସଦସ୍ୟ ଜି. ପ୍ରସାଦ, ରବିନ୍ଦ୍ରନ୍ ପିଲ୍ଲଇ ଏବଂ ସୋମସୁନ୍ଦରନ୍ ପିଲ୍ଲଇ। ପୋଲିସ ମନ୍ଦିର କମିଟି ନାଁରେ ଅବହେଳା ଓ ନିୟମ ଉଲ୍ଲଂଘନ ମାମଲା ରୁଜୁ କରିଥିଲା।
ମନ୍ଦିରକୁ ବାଣ ସପ୍ଲାଏ କରିଥିବା ୫ ଜଣ ଠିକାଦାରଙ୍କୁ ପୋଲିସ ପୂର୍ବରୁ ଗିରଫ କରିଛି। ଜିଲ୍ଲା ପ୍ରଶାସନର ପ୍ରତିବନ୍ଧକ ସତ୍ତ୍ୱେ ଏହି ଠିକାଦାରମାନେ ଆତସବାଜି ପ୍ରତିଯୋଗିତା କରାଇଥିଲେ। ଆତସବାଜି ପ୍ରତିଯୋଗିତାରୁ ଅଘଟଣ ଘଟି ୧୧୦ ଜଣଙ୍କ ମୃତ୍ୟୁ ଘଟିଥିବା ବେଳେ ୩୦୦ରୁ ଅଧିକ ଆହତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
