ନୂଆଦିଲ୍ଲୀ: ଫ୍ରାନ୍ସଠାରୁ ଭାରତ ୩୬ଟି ‘ରାଫେଲ୍’ ଲଢୁଆ ବିମାନ କିଣିବ । ଏ ନେଇ ଭାରତ ଓ ଫ୍ରାନ୍ସ ମଧ୍ୟରେ ଶୀଘ୍ର ଚୁକ୍ତି ଚୂଡାନ୍ତ ହେବ। ଚୁକ୍ତି ଅନୁସାରେ ଭାରତ ୮ଶହ ୮୦ କୋଟି ଡଲାର ବିନିମୟରେ ୩୬ଟି ‘ରାଫେଲ୍’ ଜେଟ୍ କିଣିବ। ଆସନ୍ତା ସପ୍ତାହ ମଧ୍ୟରେ ଦୁଇ ଦେଶ ମଧ୍ୟରେ ଏ ନେଇ ଚୁକ୍ତି ସ୍ୱାକ୍ଷର ହେବାର ସମ୍ଭାବନା ରହିଛି। ଚୁକ୍ତି ସ୍ୱାକ୍ଷରିତ ହେବାର ୧୮ ମାସ ପରେ ଭାରତକୁ ଏହି ଲଢୁଆ ବିମାନ ଆସିବ।
ଏହି ଯୁଦ୍ଧ ବିମାନ କିଣିବାକୁ ନେଇ ଭାରତ-ଫ୍ରାନ୍ସ ମଧ୍ୟରେ ଦୀର୍ଘ ଦିନ ଧରି ଆଲୋଚନା ଜାରି ରହିଥିଲା।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ୟାରିସ୍ ଗସ୍ତ ବେଳେ ଫ୍ରାନ୍ସ ଭାରତକୁ ଯୁଦ୍ଧ ବିମାନ ବିକ୍ରି କରିବା ନେଇ ସମ୍ମତି ପ୍ରଦାନ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
