ନୂଆଦିଲ୍ଲୀ:୧୮୮୫ ମସିହା ଡିସେମ୍ବର ୨୮ ତାରିଖରେ ଦେଶର ସବୁଠାରୁ ପୁରୁଣା ଦଳ ଭାରତୀୟ ଜାତୀୟ କଂଗ୍ରେସକୁ ପୁରିଲା ୧୩୪ ବର୍ଷ। ପ୍ରତିଷ୍ଠା ଦିବସକୁ ସମଗ୍ର ଦେଶରେ ଦଳ ପକ୍ଷରୁ ପାଳନ କରାଯାଉଥିବାବେଳେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଏବଂ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଏକାଠି କେକ୍ କାଟିଛନ୍ତି।
ଏହି ଦଳର ପ୍ରତିଷ୍ଠାତା କୌଣସି ଭାରତୀୟ ନୁହେଁ ବରଂ ଆଲାନ୍ ଅକ୍ଟୋଭିଆନ୍ ହ୍ୟୁମ୍ଙ୍କ ଅଧ୍ୟକ୍ଷତାରେ ଗଠିତ ହୋଇଥିଲା। ୧୮୮୪ ମସିହା ଡିସେମ୍ବରରେ ସମ୍ଭ୍ରାନ୍ତ ସମାଜର ୧୭ ଜଣଙ୍କୁ ନେଇ ଏକ ବୈଠକରୁ ଜନ୍ମ ନେଇଥିଲା ଏହି ଦଳ ଗଠନ ପାଇଁ କଳ୍ପନା କରାଯାଇଥିଲା।
ଲକ୍ଷ୍ୟ ଥିଲା ସରକାରରେ ଶିକ୍ଷିତମାନଙ୍କୁ ସାମିଲ କରିବା ଏବଂ ଶିକ୍ଷିତ ଭାରତୀୟ ଓ ବ୍ରିଟିଶ୍ଙ୍କ ଭିତରେ ରାଜନୀତିକ ଆଲୋଚନା କରାଇବା । ୭୨ ଜଣ ସଦସ୍ୟଙ୍କୁ ନେଇ ଏହାର ପ୍ରଥମ ବୈଠକରେ ଅଧ୍ୟକ୍ଷତା କରିଥିଲେ ଉମେଶ ଚନ୍ଦ୍ର ବାନାର୍ଜୀ।
୧୯୦୫ ଯାଏ ଏହାକୁ ଜନସମର୍ଥନ ମିଳିନଥିଲା। କିନ୍ତୁ ଲର୍ଡ କର୍ଜନ୍ ବଙ୍ଗ ବିଭାଜନ ବାବଦରେ ଘୋଷଣା କରିବା ପରେ ବରିଷ୍ଠ କଂଗ୍ରେସ ନେତା ସୁରେନ୍ଦ୍ର ନାଥ ବାନାର୍ଜୀ ଏବଂ ସାର୍ ହେନେରୀ କଟ୍ଟନ୍ ରାଜନୀତିକ ସୀମା ସରହଦ ଟପି ଦଳକୁ ସ୍ୱଦେଶୀ ଆନ୍ଦୋଳନରେ ଉତ୍ସର୍ଗ କରାଇଥିଲେ।
ମହାତ୍ମା ଗାନ୍ଧି ୧୯୧୫ ମସିହାରେ ଦକ୍ଷିଣ ଆଫ୍ରିକାରୁ ଫେରିବା ପରେ କଂଗ୍ରେସର ସଭାପତି ଦାୟିତ୍ୱ ନେଇଥିଲେ ଏବଂ ୧୯୧୯ ପ୍ରଥମ ବିଶ୍ୱଯୁଦ୍ଧ ଶେଷବେଳକୁ ସେ ଦଳର ଆଧ୍ୟାତ୍ମିକ ଏବଂ ନୈତିକ ଆଦର୍ଶ ହୋଇସାରିଥିଲେ। କଂଗ୍ରେସ ୧.୫ କୋଟି ସଦସ୍ୟ ଏବଂ ୭ କୋଟି ଅଂଶଗ୍ରହରକାରୀଙ୍କ ସହିତ ସ୍ୱାଧୀନତା ଆନ୍ଦୋଳନରେ ବେଶ୍ ଉଲ୍ଲଖନୀୟ ଭୂମିକା ଗ୍ରହଣ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
