ନୂଆଦିଲ୍ଲୀ: ପର୍ତୁଗାଲ୍ର ଷ୍ଟାର୍ ଫୁଟ୍ବଲର୍ କ୍ରିଷ୍ଟିଆନୋ ରୋନାଲ୍ଡୋଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆସିଛି। ଆମେରିକାର କ୍ୟାଥରୀନ ମାୟୋର୍ଗା ନାମକ ଜଣେ ମହିଳା ତାଙ୍କ ନାଁରେ ଏଭଳି ଅଭିଯୋଗ ଆଣିଛନ୍ତି।
ଏହି ମହିଳା ଜଣଙ୍କ ଅଭିଯୋଗ କରିଛନ୍ତି ଯେ ୨୦୦୯ରେ ରୋନାଲ୍ଡୋ ତାଙ୍କୁ ଦୁଷ୍କର୍ମ କରିଥିଲେ। ଜର୍ମାନ୍ର ଏକ ପତ୍ରିକାରେ ଏ ଖବର ପ୍ରକାଶିତ ହୋଇଛି।
ଏଥିରେ ଲେଖାଯାଇଛି ଯେ ୨୦୦୯ରେ ଲାସ୍ ଭେଗାସ୍ର ଏକ ହୋଟେଲ୍ରେ ଏହି ଘଟଣା ଘଟିଥିଲା। ଏହା ପରେ କୋର୍ଟ ବାହାରେ ଦୁହିଁଙ୍କ ମଧ୍ୟରେ ଏନେଇ ବୁଝାମଣା ହୋଇଯାଇଥିଲା। ଏଥିପାଇଁ ରୋନାଲ୍ଡୋ ଉକ୍ତ ମହିଳାଙ୍କୁ ୩,୭୫,୦୦୦ ଆମେରିକୀୟ ଡଲାର ଦେଇଥିଲେ। ତା’ସହିତ ସେ ପ୍ରତିଶ୍ରୁତି ଦେଇଥିଲେ ଏ କଥା କେବେ ପ୍ରକାଶ କରିବେ ନାହିଁ।
ଏ ଖବର ପ୍ରକାଶିତ ହେବା ପରେ ରୋନାଲ୍ହୋଙ୍କ ଓକିଲ କହିଛନ୍ତି ସେମାନେ ଏନେଇ କୋର୍ଟକୁ ଯିବେ।
ବର୍ତ୍ତମାନ ସମୟରେ ରୋନାଲ୍ହୋ ବିଶ୍ୱର ଜଣେ ପ୍ରସିଦ୍ଧ ଖେଳାଳି। ସେ ୫ ଥର ‘ପ୍ଲେୟର ଅଫ୍ ଦ ଇୟର’ ପୁରସ୍କାର ପାଇ ସାରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
