ପାଟନା: ଲୋକସଭା ନିର୍ବାଚନରେ ଲାଲୁ ପ୍ରସାଦ ଯାଦବଙ୍କ ଆରଜେଡି ଗୋଟିଏ ହେଲେ ବି ଆସନ ଜିତିପାରି ନାହିଁ। ଲାଲୁ ଜେଲ୍ରେ ଥିବାରୁ ତାଙ୍କ ପୁଅ ତେଜସ୍ୱୀ ଯାଦବଙ୍କ ନେତୃତ୍ୱରେ ଦଳ ନିର୍ବାଚନ ଲଢ଼ୁଥିଲା।
ଏବେ ଦଳୀୟ ନେତା ଓ ବିଧାୟକମାନେ ତେଜସ୍ୱୀଙ୍କୁ ବିହାର ବିଧାନସଭାର ବିରୋଧୀ ଦଳ ନେତା ପଦରୁ ଇସ୍ତଫା ଦେବାକୁ ଦାବି କରିଛନ୍ତି। ଆରଜେଡି ବିଧାୟକ ମହେଶ୍ୱର ଯାଦବ କହିଛନ୍ତି, “ଆରଜେଡିର ପରାଜୟ ପାଇଁ ତେଜସ୍ୱୀ ଯାଦବ ଦାୟୀ। ତେଣୁ ସେ ନୈତିକତା ଦୃଷ୍ଟିରୁ ବିହାର ବିଧାନସଭାର ବିରୋଧୀ ଦଳ ନେତା ପଦରୁ ଇସ୍ତଫା ଦେବା ଉଚିତ।”
ଏଥିସହ ସେ ଲାଲୁ ପ୍ରସାଦ ଯାଦଙ୍କ ଉପରେ ବର୍ଷିଛନ୍ତି। ସେ କହିଛନ୍ତି,“ ଲାଲୁ ପ୍ରସାଦ ଯାଦବ ଆରଜେଡିକୁ ନିଜର ପାରିବାରିକ ସ୍ୱାର୍ଥ ପାଇଁ ବ୍ୟବହାର କରିବାରେ ଲାଗିଛନ୍ତି। ଏହି କାରଣ ପାଇଁ ଆଜି ଆରଜେଡିର ଅବସ୍ଥା ଶୋଚନୀୟ ହୋଇଛି।”
ପୂର୍ବରୁ ଅନେକ ନେତା ଓ କର୍ମୀ ଭିତରେ ଭିତରେ ତେଜସ୍ୱୀ ଇସ୍ତଫା ଦିଅନ୍ତୁ ବୋଲି ଚାହୁଁଥିଲେ। ହେଲେ ପ୍ରଥମଥର ପାଇଁ ମୁଜାଫରପୁରର ଆରଜେଡି ବିଧାୟକ ମହେଶ୍ୱର ଯାଦବ ସର୍ବସମ୍ମୁଖରେ ତେଜସ୍ୱୀ ଓ ଲାଲୁଙ୍କୁ ଟାର୍ଗେଟ କରିଛନ୍ତି।