ସୋନିଆ ଗାନ୍ଧୀଙ୍କୁ ଅଧିକ ବୋଝ ଦେବା ଠିକ୍ ହେବନି: ଶଶୀ ଥରୁର

ନୂଆଦିଲ୍ଲୀ: ଦଳକୁ ମଜଭୁତ କରିବା ନାଁରେ ସୋନିଆ ଗାନ୍ଧୀଙ୍କ କାନ୍ଧରେ ଅଧିକ ବୋଝ ଦେବା ଠିକ୍ ହେବନି। ଏଭଳି କହି ରାହୁଲ ଗାନ୍ଧୀଙ୍କୁ ଦଳର ନେତୃତ୍ୱ ଦିଆଯିବା ଦରକାର ବୋଲି ଜାତୀୟ ଗଣମାଧ୍ୟମ ନ୍ୟୁଜ୍ 18କୁ ସାକ୍ଷାତକାର ଦେଇ କହିଛନ୍ତି କଂଗ୍ରେସ ସାଂସଦ ଶଶୀ ଥରୁର। ସେହିଭଳି ଗାନ୍ଧୀ ପରିବାର ବାହାର ଲୋକ ଦଳର ନେତୃତ୍ୱ ପ୍ରସଙ୍ଗରେ କହିଛନ୍ତି, ଗାନ୍ଧୀ ପରିବାର ପ୍ରତି କଂଗ୍ରେସ ନେତାଙ୍କ ହୃଦୟରେ ଗୋଟିଏ ସ୍ଥାନ ରହିଛି। ତେଣୁ ଗାନ୍ଧୀ ପରିବାର ହିଁ ଆଗାମୀ ଦିନରେ ଦଳର ନେତୃତ୍ୱ ନେବେ ବୋଲି ପରୋକ୍ଷରେ କହିଛନ୍ତି କଂଗ୍ରେସ ନେତା ଶଶୀ ଥରୁର।

ଥରୁର କହିଛନ୍ତି, ‘ମୁଁ ଭାବୁନି ଆମେ’ ନିଷ୍କ୍ରିୟ ହୋଇଯାଇଛୁ, ରାଜସ୍ଥାନ, ପଞ୍ଜାବ, ମଧ୍ୟପ୍ରଦେଶ, ଛତିଶଗଡ ଏବଂ ପୁଡୁଚେରୀରେ ପାଞ୍ଚଟି ସ୍ଥାନରେ ସରକାରରେ ରହିଛୁ। ଦଳ ମଧ୍ୟରେ ଥିବା ମତ ପାର୍ଥକ୍ୟକୁ ଦୂର କରିଛୁ। ଆଞ୍ଚଳିକ ଦଳଗୁଡ଼ିକ ସହିତ ମିଶି ମେଣ୍ଟ କରି ସରକାରରେ ରହିଛୁ| ଫଳସ୍ୱରୂପ ନିକଟରେ ମହାରାଷ୍ଟ୍ର ଏବଂ ଝାଡଖଣ୍ଡରେ ମେଣ୍ଟ କରି କଂଗ୍ରେସ ସରକାରରେ ସାମିଲ୍ ହୋଇଛି। ଏଭଳି ସ୍ଥିତିରେ କଂଗ୍ରେସ ନିଷ୍କ୍ରିୟ ବୋଲି କହିବା ଭୁଲ୍’।

କଂଗ୍ରେସ ସଭାପତି ପଦବୀକୁ ନେଇ ସେ କହିଛନ୍ତି, ‘ସୋନିଆ ଗାନ୍ଧୀଙ୍କ ନିଯୁକ୍ତି ଏକ ସୀମିତ ସମୟ ପାଇଁ। ତାଙ୍କ ଉପରେ ଦଳର ଦାୟିତ୍ୱ ଦେବା ଠିକ୍ ନୁହେଁ। ମୁଁ ବିଶ୍ୱାସ କରେ ଦଳ ଏବେ ଏଭଳି ଜଣଙ୍କୁ ନେତୃତ୍ୱ ଦେବା ଦରକାର ଯିଏକି ଦୀର୍ଘଦିନ ପର୍ଯ୍ୟନ୍ତ ଦଳକୁ ଆଗକୁ ନେଇପାରିବ। ଦଳର ଅନେକ ଲୋକ କିନ୍ତୁ ଭାବନ୍ତି ଯେ ସୋନିଆ ଗାନ୍ଧୀ ଦଳର ନେତୃତ୍ୱ ନେବା ଦଳ ପାଇଁ ସବୁଠାରୁ ଭଲ। କାରଣ ସେ ଏତେ ଦିନ ପର୍ଯ୍ୟନ୍ତ ପ୍ରଭାବଶାଳୀ ଭାବରେ କାର୍ଯ୍ୟ କରିଥିଲେ।

ରାହୁଲ ଗାନ୍ଧୀ ପୁଣି ଥରେ ଦଳର ଅଧ୍ୟକ୍ଷ ହେବା ପ୍ରସଙ୍ଗରେ ସେ କହିଛନ୍ତି, ‘କଂଗ୍ରେସ ନେତା ଏବେ ବି ଆଶା ରଖିଛନ୍ତି, ରାହୁଲ ଗାନ୍ଧୀ ତାଙ୍କ ନିଷ୍ପତ୍ତି ପରିବର୍ତ୍ତନ କରିବେ। ପୁଣି ଥରେ ଦଳର ନେତୃତ୍ୱ ନେବେ। ଦଳର ସମସ୍ତ ନେତା ବିଶ୍ୱାସ କରନ୍ତି, ଦଳକୁ ଆଗକୁ ନେବା ପାଇଁ ରାହୁଲଙ୍କ ପାଖରେ ଦକ୍ଷତା ସାଙ୍ଗକୁ ଦୃଷ୍ଟିକୋଣ ରହିଛି’।

ସେହିପରି ଅଣ-ଗାନ୍ଧୀଙ୍କୁ ଭୟ କରୁଛନ୍ତି କି? ଗାନ୍ଧୀ ପରିବାରକୁ ଗାନ୍ଧୀଙ୍କୁ ଦଳର ଆଦେଶ ଦେବାରେ ଭୟ ଅଛି କି? ଥରୁର କହିଛନ୍ତି, ସର୍ବପ୍ରଥମେ ମୁଁ ଗାନ୍ଧୀ ପରିବାର ତରଫରୁ କହିପାରିବି ନାହିଁ ଏବଂ ଆପଣ ସେମାନଙ୍କୁ କିପରି ଅନୁଭବ କରୁଛନ୍ତି ବୋଲି ପଚାରିବା ଉଚିତ୍। କିନ୍ତୁ ମୁଁ ଭାବୁନାହିଁ ଯେ ସେପରି କିଛି ଅଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।