ଗୁରୁତର ହୋଇ ଆଇସିୟୁରେ ଭର୍ତ୍ତି ହେଲେ କଂଗ୍ରେସ ନେତା ଅହମଦ ପଟେଲ୍

ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ତଥା ସାଂସଦ ଅହମଦ ପଟେଲ (୭୧) ଗୁରୁତର ହୋଇପଡ଼ିଛନ୍ତି। ଏବେ ସେ ଗୁରୁଗ୍ରାମ ସ୍ଥିତ ମେଦାନ୍ତ ହସ୍ପିଟାଲର ଆଇସିୟୁରେ ଭର୍ତ୍ତି ହୋଇଛନ୍ତି। ସେ କରୋନାରେ ସଂକ୍ରମିତ ହୋଇଥିଲେ। ଅକ୍ଟୋବରରେ ଏ ନେଇ ସେ ଟ୍ୱିଟ୍ କରି କହିଥିଲେ। ଏବେ ସେ ପୁଣିଥରେ ହସ୍ପିଟାଲରେ ଭର୍ତ୍ତି ହୋଇଥିବା ତାଙ୍କ ପରିବାର ଲୋକେ ରବିବାର ଗଣମାଧ୍ୟମକୁ ସୂଚନା ଦେଇଛନ୍ତି।

ଅହମଦ ପଟେଲଙ୍କ ପୁଅ ଫୈଜଲ ଟ୍ୱିଟ୍ କରି କହିଛନ୍ତି, ତାଙ୍କ ବାପା କିଛି ଦିନ ହେବ କରୋନାରେ ସଂକ୍ରମିତ ହୋଇଥିଲେ। ଏବେ ସେ ପୁଣିଥରେ ହସ୍ପିଟାଲରେ ଭର୍ତ୍ତି ହୋଇଛନ୍ତି। ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। ଏକ ଡାକ୍ତରୀ ଟିମ୍ ତାଙ୍କ ସ୍ୱାସ୍ଥ୍ୟାବସ୍ଥା ଉପରେ ନଜର ରଖିଛି।

ଦଳର ଅନ୍ୟ ନେତା ଆନନ୍ଦ ଶର୍ମା, ଅଭିଷେକ ସିଂହଭି, ତରୁଣ ଗୋଗୋଇ ଆଦି ନେତା ଭଗବାନଙ୍କ ନିକଟରେ ଅହମଦଙ୍କ ଆରୋଗ୍ୟ କାମନା କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।