ବେଙ୍ଗାଲୁରୁ: ଭାରତ ଓ ଆଉ କିଛି ଦେଶ ପାଇଁ ୧୦୦ ମିଲିୟନ କରୋନା ଟିକା ପ୍ରସ୍ତୁତ କରିବ ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ। ଏଥିପାଇଁ ଆଜି ସେରମ ଇନଷ୍ଟିଚ୍ୟୁଟ ପକ୍ଷରୁ ବିଲ ଆଣ୍ଡ ମେଲିଣ୍ଡା ଗେଟ୍ସ ଫାଉଣ୍ଡେସନ ଓ ଜିଏଭିଆଇ ଭ୍ୟାକସିନ ଆଲିଆନ୍ସ ସହ ଚୁକ୍ତି କରିଛି।
ଏଥିପାଇଁ ସେରମ ଇନଷ୍ଟିଚ୍ୟୁଟ ୧୫୦ ମିଲିୟନ ଡଲାର ଅର୍ଥ ପାଇବ। ଏ ସମ୍ପର୍କରେ ଆଜି ସେରମ ଇନଷ୍ଟିଚ୍ୟୁଟ ଘୋଷଣା କରିଛି। ୨୦୨୧ ପ୍ରଥମ ଭାଗରେ ହିଁ କରୋନା ଟିକା ଭାରତକୁ ମିଳିବ ବୋଲି ଜଣାପଡ଼ିଛି।
AstraZeneca and Novavax ପକ୍ଷରୁ ତିଆରି ହୋଇଥିବା କରୋନା ଟିକାର ପ୍ରତି ଡୋଜର ମୂଲ୍ୟ ୩ ଡଲାର ରହିବ। ଏହା ଜିଏଭିଆଇର କୋଭାକ୍ସ ଆଡଭାନ୍ସଡ ମାର୍କେଟ କମିଟମେଣ୍ଟ(ଏଏମସି) ଦ୍ୱାରା ୯୨ଟି ଦେଶରେ ଉପଲବ୍ଧ ହେବ। ଗେଟ୍ସ ଫାଉଣ୍ଡେସନ ପକ୍ଷରୁ ଜିଏଭିଆଇକୁ ଫଣ୍ଡିଂ କରାଯିବ ଓ ଏହା ସେରମକୁ ଟିକା ବାହାର କରିବାରେ ସହାୟକ ହେବ।
କୋଭାକ୍ସ ନାଁରେ ଗେଟ୍ସ ଫାଉଣ୍ଡେସନ ଓ ଜିଏଭିଆଇ କରୋନା ଟିକା ଯୋଗାଇ ଦେବାକୁ ଯୋଜନା ପ୍ରଣୟନ କରିଛନ୍ତି। ୨୦୨୧ ଶେଷ ସୁଦ୍ଧା କୋଭାକ୍ସ ୨ ବିଲିୟନ କରୋନା ଟିକା ବିଭିନ୍ନ ଦେଶକୁ ଯୋଗାଇ ଦେବାକୁ ଲକ୍ଷ୍ୟ ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
