ହାଇଦ୍ରାବାଦ: କରୋନା ଭାଇରସର ମୁକାବିଲା ପାଇଁ ସାମାଜିକ ଦୂରତ୍ୱ ହିଁ ଏକମାତ୍ର ମାଧ୍ୟମ। ତେବେ ଦେଶର ବିଭିନ୍ନ ପ୍ରାନ୍ତରେ ଥିବା ପରିବା ମାର୍କେଟରେ ସାମାଜିକ ଦୂରତ୍ୱକୁ ଆଦୌ ପାଳନ କରାଯାଉନାହିଁ। ଏହି କାରଣରୁ ସେଠାରେ କରୋନା ବ୍ୟାପିବାର ଆଶଙ୍କା ବୃଦ୍ଧି ପାଉଛି।
ଦେଶରେ ଲକଡାଉନ ଘୋଷଣା ହୋଇଥିବା ବେଳେ ପରିବା ଭଳି ଜରୁରୀ ସାମଗ୍ରୀ ମିଳୁଥିବା ଦୋକାନଗୁଡ଼ିକ ଖୋଲା ରହିଛି। ତେବେ ପରିବା ମାର୍କେଟରେ ମଧ୍ୟ ସାମାଜିକ ଦୂରତ୍ୱ ପାଇଁ ଆନ୍ଧ୍ର ପ୍ରଦେଶ ପ୍ରଶାସନ ଅଭିନବ ପ୍ରୟାସ କରିଛି। ରାଜ୍ୟରେ ଥିବା ସମସ୍ତ ପରିବା ମାର୍କେଟରେ ସାମାଜିକ ଦୂରତ୍ୱ ପାଇଁ ପ୍ରଶାସନ ପକ୍ଷରୁ ଗ୍ରାହକଙ୍କ ପାଇଁ ଚାରି କୋଣିଆ ଗାର ଟଣା ଯାଇଛି।
ଗାର ଟଣା ଯାଇଥିବା ଅଞ୍ଚଳ ମଧ୍ୟରେ ଏକ ମିଟର ଦୂରତା ଅବଲମ୍ବନ କରାଯାଇଛି। ଗ୍ରାହକମାନେ ସେଠାରେ ଛିଡ଼ା ହୋଇ ଓ ଭିଡ଼ ନ କରି ନିଜର ଆବଶ୍ୟକ ମୁତାବକ ସାମଗ୍ରୀ କିଣିପାରିବେ ବୋଲି କୁହାଯାଇଛି।
ଆଜି ଲୋକମାନେ ମଧ୍ୟ ଗାର ମଧ୍ୟରେ ଛିଡ଼ା ହୋଇ ପରିବା କିଣୁ ଥିବା ଦେଖିବାକୁ ମିଳିଛି। ଆନ୍ଧ୍ର ପ୍ରଦେଶରେ ଏଯାଏ ୧୦ ଜଣ କରୋନା ରୋଗୀ ଚିହ୍ନଟ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
