ମୁମ୍ବାଇ: ଏକ ଡକାୟତି ମାମଲାରେ ସମ୍ପୃକ୍ତି ଥିବା ସନ୍ଦେହରେ ଏପରି ଜଣେ ଟିକ୍ଟକ୍ ଷ୍ଟାରଙ୍କୁ ଗିରଫ କରାଯାଇଛି ଯାହାର ୯ ଲକ୍ଷରୁ ଊର୍ଦ୍ଧ୍ୱ ଫଲୋୟର୍ସ ଅଛନ୍ତି। ଅଭିମନ୍ୟୁ ଗୁପ୍ତା ନାମକ ଏହି ଯୁବକ ନାମରେ ଆଗରୁ ୪ରୁ ୫ଟି ମାମଲା ରହିଥିଲା। ଏକ ବୃଦ୍ଧ ଦମ୍ପତି ପୂର୍ବରୁ ଅଭିଯୋଗ କରିଥିଲେ ଯେ କେହି ଜଣେ ତାଙ୍କ ଘରୁ ୧୫୦ ଗ୍ରାମ୍ର ସୁନା ଏବଂ ୪.୫୭ ଲକ୍ଷ ଟଙ୍କା ମୂଲ୍ୟର ମୋବାଇଲ ଫୋନ ନେଇଯାଇଛି।
ମୁମ୍ବାଇ ପୁଲିସ୍ ସିସିଟିଭି ଫୁଟେଜ ଦେଖିବା ବେଳେ ସେଥିରେ ଅଭିମନ୍ୟୁ ହିଁ ନଜର ଆସିଥିଲା। ତଦନ୍ତ ପରେ ତାଙ୍କୁ ପୁଲିସ୍ ହାଜତକୁ ନିଆଯାଇଥିଲା। ଏହାପରେ ତାଙ୍କ ନାମରେ ଭାରତୀୟ ପିଙ୍ଗଳ କୋଡ୍ ଅନୁଯାୟୀ ମାମଲା ରୁଜୁ କରାଯାଇଛି। ତଦନ୍ତ ସମୟରେ ଏହି ସିସିଟିଭି ଫୁଟେଜକୁ ତନ୍ନ ତନ୍ନ କରି ଯାଞ୍ଚ କରାଯାଇଥିଲା। ଫଳରେ ଅଭିମନ୍ୟୁ ଧରାପଡ଼ିଥିଲା।
ପ୍ରଥମେ ତା’ଠାରୁ କିଛି ମଧ୍ୟ ଚୋରି ଜିନିଷ ମିଳିନଥିଲା। କିନ୍ତୁ କିଛି ଦିନର ପଚରାଉଚରା ପରେ ସେ ଏହି ଜିନିଷ ସବୁ ତା'ର କେହି ଜଣେ ସାଙ୍ଗକୁ ଦେଇଥିବା କହିଥିଲା। ଏସବୁ ସେ ତା’ ସ୍ତ୍ରୀର ବୋଲି କହି ସାଙ୍ଗକୁ ରଖିବାକୁ ଦେଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
