ଖୁବ୍‌ ଶୀଘ୍ର ଟ୍ରାକ୍‌ରେ ଦଉଡ଼ିବ ଟ୍ରେନ୍‌-୧୮: ଭଡ଼ା ଶତାବ୍ଦୀ ଏକ୍ସପ୍ରେସ୍‌ଠାରୁ ୪୦ରୁ ୫୦% ଅଧିକ

ନୂଆଦିଲ୍ଲୀ: ଦେଶୀ କୋଚ୍‌ ଫ୍ୟାକ୍ଟ୍ରିରେ ନିର୍ମିତ ଟ୍ରେନ୍‌-୧୮ ଖୁବ୍ ଶୀଘ୍ର ଟ୍ରାକ୍‌ରେ ଦଉଡ଼ିବାକୁ ଯାଉଛି। ଏହି ଟ୍ରେନ୍‌ ପରିଚାଳନା ପାଇଁ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା ମଞ୍ଜୁର ମିଳିସାରିଛି। ଏହି ଟ୍ରେନ୍‌ର ଭଡ଼ା  ଶତାବ୍ଦୀ ଏକ୍ସପ୍ରେସ୍‌ଠାରୁ ୪୦ରୁ ୫୦ ପ୍ରତିଶତ ଅଧିକ ରହିବ। ଏହି ଟ୍ରେନ୍‌ର ଶୁଭାରମ୍ଭ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରିବାର କାର୍ଯ୍ୟକ୍ରମ ରହିଛି। କେନ୍ଦ୍ରୀୟ ବଜେଟ୍ ପରେ ପ୍ରଧାନମନ୍ତ୍ରୀ ମୋଦି ଏହି ଟ୍ରେନ୍‌ ଚାଲିବା ନେଇ ଉଦ୍‌ଘାଟନ କରିବେ। ପ୍ରଥମଥର ଏହି ଟ୍ରେନ୍‌ ଦିଲ୍ଲୀରୁ ବାରଣାସୀ ପର୍ଯ୍ୟନ୍ତ ଚାଲିବ।

ଏହା ଏକ ଇଞ୍ଜିନ୍‌ ବିହୀନ ଟ୍ରେନ୍‌ ହୋଇଥିବା ବେଳେ ସରକାରଙ୍କ ଇଲେକ୍‌ଟ୍ରିକାଲ ଇଣ୍ଟରସେପ୍ଟର ଜେନେରାଲ୍‌(EIG) ପକ୍ଷରୁ ଗୁରୁବାର ସୁଦ୍ଧା ଚୂଡ଼ାନ୍ତ କ୍ଲିଅରାନ୍ସ ମିଳିବ। ଏହି ଟ୍ରେନ୍‌ ଦିଲ୍ଲୀରୁ ବାରଣାସୀ ୮ ଘଣ୍ଟାରେ ୭୫୫ କିମି ଯାତ୍ରା କରିବ। ଏହି ଟ୍ରେନ୍‌ର ଏକ୍‌ଜ୍ୟୁକ୍ୟୁଟିଭ୍‌ କ୍ଲାସ୍‌ ଭଡ଼ା 2,800 ଟଙ୍କାରୁ 2,900 ଟଙ୍କା ପର୍ଯ୍ୟନ୍ତ ରହିଛି।

ଟ୍ରେନ୍‌ଟିର ଘଣ୍ଟା ପ୍ରତି ବେଗ ୧୮୦ କିମି ରହିବ। ଏଥିସହ ଟ୍ରେନ୍‌ ୧୮ରେ ୱାଇଫାଇ, ଜିପିଏସ୍‌ ପାସେଞ୍ଜର ଇନଫୋଟେନମେଣ୍ଟ ସିଷ୍ଟମ, ଅଟୋମେଟିକ ଡ଼ୋର, ଏଲଇଡ଼ି ଲାଇଟ୍‌, ଭିନ୍ନକ୍ଷମଙ୍କ ପାଇଁ ରାମ୍ପ, ସିସିଟିଭି, ଯାତ୍ରୀଙ୍କ ପାଇଁ ଏମରଜେନ୍ସି ଟେକବ୍ୟାକ୍‌ ୟୁନିଟ୍‌, ୟୁରୋପିଆନ୍‌ ଷ୍ଟାଇଲର ସିଟ୍‌, ମୋଡ଼ୁଲାର ଟୟଲେଟ୍‌ ଆଦି ସୁବିଧା ଉପଲବ୍ଧ । ମେଟ୍ରୋ ଟ୍ରେନ ବେଗର ଦୁଇଗୁଣା ଅଧିକ ବେଗରେ ଦଉଡ଼ିବ ଏହି ଟ୍ରେନ୍‌। ଏହି ଟ୍ରେନ୍‌ ତିଆରି କରିବା ପାଇଁ ପ୍ରାୟ ୧୦୦ କୋଟି ଟଙ୍କା ଖର୍ଚ୍ଚ ହୋଇଛି। ସଂପୂର୍ଣ୍ଣ ଏସି ବିଶିଷ୍ଟ ଏହି ଟ୍ରେନ୍‌ଟି ଶତାବ୍ଦୀ ଏକ୍ସପ୍ରେସର ଉତ୍ତରାଧିକାରୀ ବୋଲି କୁହାଯାଉଛି।

ଆହୁରି ପଢ଼ନ୍ତୁ

କେନ୍ଦ୍ରର ରିହାତି ସତ୍ତ୍ୱେ ରାଜ୍ୟ ବଢ଼ାଇଛି ବିଦ୍ୟୁତ୍‌ ଶୁଳ୍କ

ଉପନିର୍ବାଚନ ପୂର୍ବରୁ ତିର୍ତ୍ତୋଲକୁ ଭେଟି, ମହାନଦୀ ଉପରେ ହେବ ବ୍ରିଜ୍ 

ବଲାଙ୍ଗିରରେ ବଢ଼ୁଛି ସଂକ୍ରମଣ, କଟକଣା ଲାଗୁ କଲା ବଜାର କମିଟି

ରାଜ୍ୟରେ ଆଖି ବୁଜିଲେ ୧୫ କରୋନା ଆକ୍ରାନ୍ତ

ଜବତ ହେଲା ୭୦ ଲକ୍ଷର ଗଞ୍ଜେଇ, କୋରାପୁଟରୁ ପଞ୍ଜାବ ଚାଲାଣ ସନ୍ଦେହ

୧୭୦୯ ପୁଲିସ୍‌ଙ୍କୁ ମିଳିବ ‘ଆନ୍ତରିକ ସୁରକ୍ଷା ସେବା ପଦକ’

ମୃତ୍ୟୁ ପୂର୍ବରୁ ଦୁଆର ମୁହଁରେ ପକାଇଦେଲା କୋଭିଡ୍‌ ଆମ୍ୱୁଲାନ୍ସ!

୮୩ ବର୍ଷ ବୃଦ୍ଧକୁ ପିଟି ପିଟି ଗୋଡ ହାତ ଭାଙ୍ଗିଦେଲା ପୁଲିସ  

କଟକରେ ଦୁର୍ଗା ପୂଜା, ସନ୍ଧ୍ୟା ୬ଟା ସୁଦ୍ଧା ବନ୍ଦ ରହିବ ଦୋକାନ ବଜାର !

ମଧୁମେହ କରୋନା ଆକ୍ରାନ୍ତଙ୍କୁ  ଏମିତି ପରାମର୍ଶ ଦେଲେ ଡାକ୍ତର ଅନୁଜ ବଳିୟାରସିଂହ

ପ୍ରଶାସନ ଶୁଣିଲାନି, ଜଙ୍ଗଲରୁ କାଠ ଆଣି  ପୋଲ ନିର୍ମାଣ କଲେ ଗ୍ରାମବାସୀ

ପୋଲ କରୁ ନାହାନ୍ତି ହେଲେ ତାର ଖୋଲିନେଲେ