ୱାଶିଂଟନ୍: ସାରା ବିଶ୍ୱରେ ଆଦୃତି ଲାଭ କରିଛି ଭାରତୀୟ ଆଲୋକର ପର୍ବ ଦୀପାବଳି। ହିନ୍ଦୁ ମାନଙ୍କର ପ୍ରମୁଖ ପର୍ବ ମଧ୍ୟରେ ଅନ୍ୟତମ ଏହି ପର୍ବକୁ ଆମେରିକାର ରାଷ୍ଟ୍ରପତି ଭବନ ହ୍ୱାଇଟ୍ହାଉସ୍ରେ ମଧ୍ୟ ପାଳନ କରାଯାଇଛି। କିନ୍ତୁ ଏହି ଉତ୍ସବରେ ଦୀପ ଜାଳି ଉଦ୍ଘାଟନ କରିଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୀପାବଳିକୁ ହିନ୍ଦୁଙ୍କ ପର୍ବ ନକହି ଅଡ଼ୁଆରେ ପଡ଼ିଛନ୍ତି।
https://twitter.com/realDonaldTrump/status/1062450942707228672
ସେ ଏହି ଟ୍ୱିଟ୍ରେ କେବଳ ଭାରତୀୟଙ୍କ ପର୍ବ ଲେଖିଥିଲେ ମଧ୍ୟ ଚଳିଯାଇଥାନ୍ତା। କିନ୍ତୁ ତାହା ନକରି ସେ ଲେଖିଥିଲେ, ଦୀପାବଳି ଏକ ଛୁଟିଦିନ, ଯାହାକି ଆମେରିକା ଏବଂ ସମଗ୍ର ବିଶ୍ୱର ବୌଦ୍ଧ, ଜୈନ ଏବଂ ଶିଖ୍ ଧର୍ମାବଲମ୍ବୀମାନେ ପାଳନ କରିଥାନ୍ତି। ଶହ ଶହ ଲୋକ ନିଜ ପରିବାର ସହିତ ଏହି ନୂତନ ବର୍ଷକୁ ପାଳନ କରିବା ପାଇଁ ଏକାଠି ହୋଇଛନ୍ତି କହିବା ସହିତ ନୂତନ ବର୍ଷର ଅଭିନନ୍ଦନ ମଧ୍ୟ ଜଣାଇଛନ୍ତି। କିନ୍ତୁ କୌଣସି ସ୍ଥାନରେ ହିନ୍ଦୁ ଶବ୍ଦର ବ୍ୟବହାର କରିନଥିବାରୁ ଏହା ହିନ୍ଦୁମାନଙ୍କୁ ପ୍ରବଳ ବାଧିଥିଲା ଯାହାକି ଟ୍ୱିଟ୍ ବିରୋଧର ରୂପ ନେଇଥିଲା।
ଏଥିରେ ସେ ଉତ୍ସବ ପାଳନର ଏକ ୟୁଟ୍ୟୁବ୍ ଲିଙ୍କ ମଧ୍ୟ ଯୋଡ଼ିଥିଲେ।
https://youtu.be/Dh9zz67KYS4
ସେ ଟ୍ୱିଟ୍ କରିଥିବା କିଛି ଫଟୋରେ ଏକ ମହମବତୀ ସାହାଯ୍ୟରେ ଦୀପ ଜାଳୁଥିବା ଜଣାପଡ଼ୁଛି। ତାଙ୍କ ସହିତ ଏହି କାର୍ଯ୍ୟକ୍ରମରେ ଆମେରିକାରେ ଭାରତୀୟ ରାଷ୍ଟ୍ରଦୂତ ନଭତେଜ୍ ସର୍ନା ମଧ୍ୟ ଉପସ୍ଥିତ ଥିଲେ।
ଏହି ଟ୍ୱିଟ୍ରେ ଭୁଲ କରିଥିବାରୁ ସମାଲୋଚନାର ବର୍ଷା ହେବାପରେ ସେ ଆଉ ଏକ ଟ୍ୱିଟ୍ରେ ଲେଖିଥିଲେ, ହ୍ୱାଇଟ୍ହାଉସ୍ର ରୁଜ୍ଭେଲ୍ଟ କକ୍ଷରେ ଆୟୋଜିତ ଦୀପାବଳି ଉତ୍ସବରେ ଯୋଗଦେଇ ମୁଁ ସମ୍ମାନିତ ଅନୁଭବ କରୁଛି, ଯାହାକି ହିନ୍ଦୁମାନଙ୍କର ଏକ ଆଲୋକର ଉତ୍ସବ। ଏଥିରେ ସେ ହ୍ୱାଇଟ୍ହାଉସ୍ ୱେବ୍ସାଇଟ୍ରେ ଅପ୍ଲୋଡ୍ ହୋଇଥିବା ଏକ ବିବୃତ୍ତିର ଲିଙ୍କ ଯୋଡ଼ିଛନ୍ତି।
https://twitter.com/realDonaldTrump/status/1062455263247155200
https://twitter.com/anniegowen/status/1062496082691870720
https://twitter.com/Whimsy_Seeker/status/1062507695218061314
https://twitter.com/ashnagesh/status/1062461088854433792
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
