ସମ୍ବଲ: ଉତ୍ତର ପ୍ରଦେଶର ସମ୍ବଲ ସ୍ଥିତ ଏକ ସରକାରୀ ହସ୍ପିଟାଲରୁ ଆଶ୍ଚର୍ଯ୍ୟ କରିବା ଭଳି ଭିଡିଓ ସାମ୍ନାକୁ ଆସିଛି। ଏହି ଭିଡିଓରେ ଗୋଟିଏ ବୁଲା କୁକୁର ଷ୍ଟ୍ରେଚର୍ରେ ଘୋଡ଼ା ଯାଇଥିବା ଶବକୁ ଖାଉଥିବା ଦୃଶ୍ୟ ରହିଛି। ଭିଡିଓଟି ଭାଇରାଲ ହେବା ପରେ ସମସ୍ତେ ଏହାକୁ ଘୋର ନିନ୍ଦା କରିଛନ୍ତି।
ଗୁରୁବାର ସଡ଼କ ଦୁର୍ଘଟଣା ପରେ ଜଣେ ଝିଅଙ୍କୁ ସମ୍ବଲ ସ୍ଥିତ ସରକାର ହସ୍ପିଟାଲକୁ ଅଣା ଯାଇଥିଲା। ତେବେ ଏଠାରେ ସେ ପ୍ରାଣ ହରାଇଥିଲେ। ଏହାପରେ ଡାକ୍ତରଖାନା କର୍ତ୍ତୃପକ୍ଷ ଗୋଟିଏ ଷ୍ଟ୍ରେଚର୍ରେ ଏହାକୁ ଘୋଡ଼ାଇ ଦେଇ ଚାଲି ଯାଇଥିଲେ। ଶବଟି ଏଭଳି ଅବସ୍ଥାରେ ରହିଥିବା ବେଳେ ଗୋଟିଏ ବୁଲ କୁକୁର ଆସି ସେଠାରେ ପହଞ୍ଚିଥିଲା।
ସେ ଷ୍ଟ୍ରେଚ୍ରେ ଥିବା ଶବକୁ ଶୁଙ୍ଘିବା ସହ ଏହାକୁ ଜିଭରେ ଚାଟି ଚାଟି ଖାଇଥିଲା। ୨୦ ସେକେଣ୍ଡର ଭିଡିଓରେ ପୂରା ଘଟଣାର ଦୃଶ୍ୟ ରହିଛି। ଘଟଣାକୁ ନେଇ ହସ୍ପିଟାଲ କର୍ତ୍ତୃପକ୍ଷ ବିବାଦ ଘେରକୁ ଚାଲି ଆସିଛନ୍ତି। ପୀଡ଼ିତାଙ୍କ ପରିବାର ଲୋକ ମଧ୍ୟ ହସ୍ପିଟାଲ କର୍ତ୍ତୃପକ୍ଷଙ୍କ ଅବହେଳା ଯୋଗୁ ଏହି ଘଟଣା ଘଟିଛି ବୋଲି କହିଛନ୍ତି।
https://twitter.com/i/status/1331984795283275777
ହସ୍ପିଟାଲରେ ଦୀର୍ଘ ଦିନ ହେଲା ବୁଲା କୁକୁରଙ୍କ ସମସ୍ୟା ଲାଗି ରହିଥିବା କର୍ତ୍ତୃପକ୍ଷ ସ୍ୱୀକାର କରିଛନ୍ତି। ବୁଲା କୁକୁର ସମସ୍ୟା ସମ୍ପର୍କରେ ସ୍ଥାନୀୟ ପୌର ଅଧିକାରୀଙ୍କୁ ଅବଗତ କରାଯାଉଥିଲେ ହେଁ ସେମାନେ କୌଣସି ପଦକ୍ଷେପ ନେଉ ନଥିବା ହସ୍ପିଟାଲ କର୍ତ୍ତୃପକ୍ଷ କହିଛନ୍ତି।