ସ୍ତ୍ରୀ ହତ୍ୟା ମାମଲାରେ ସ୍ୱାମୀ ଜେଲ ଯିବାର ୨ ବର୍ଷ ପରେ ଘରକୁ ଫେରିଲେ ମହିଳା

କୋଲକାତା: ପଶ୍ଚିମବଙ୍ଗରେ ଏକ ଅଦ୍ଭୁତ ଘଟଣା ଦେଖିବାକୁ ମିଳିଛି। ସ୍ତ୍ରୀଙ୍କୁ ହତ୍ୟା କରିଥିବା ଅଭିଯୋଗରେ ସ୍ୱାମୀ ଜେଲ ଯାଇଥିଲେ, କିନ୍ତୁ ‘ହତ୍ୟାର ଶିକାର ହୋଇଥିବା ସେଇ ସ୍ତ୍ରୀ ଏବେ ଘରକୁ ଫେରିଛନ୍ତି। ଅନ୍ୟପକ୍ଷେ ନିଜ ପତ୍ନୀଙ୍କୁ ଅପହରଣ ଏବଂ ହତ୍ୟା ମାମଲାରେ ଏହି ବ୍ୟକ୍ତି ଜେଲରେ ୩ ମାସ କାଟିଛନ୍ତି।

ପୂର୍ବ ସିଂହଭୂମ ଜିଲ୍ଲାରେ ଏହି ଘଟଣା ଘଟିଛି। ମୌସୁମୀ ଦାସ ନାମକ ଏହି ମହିଳାଙ୍କ ମା’ ହିଁ ଅଭିଯୋଗ ଆଣିଥିଲେ ଯେ ତାଙ୍କ ଝିଅକୁ ହତ୍ୟା କରାଯାଇଛି। କିନ୍ତୁ ଏହାର ୧ ବର୍ଷ ୧୦ ମାସ ପରେ ମହିଳା ବାପ ଘରକୁ ଫେରିବା ଘଟଣା ଏବେ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।

ସ୍ଥାନୀୟ ଚକୁଳିଆ ଥାନାର ଅଧିକାରୀ ତ୍ରିଭୂବନ ରାମ କହିଛନ୍ତି, “୨୦୧୭ ମସିହାରେ ମୌସୁମୀ ଘର ଛାଡ଼ି ଚାଲିଯାଇଥିଲେ। ତାଙ୍କ ମା’ ସୀମା ଦାସଙ୍କ ଅଭିଯୋଗ କ୍ରମେ ମୌସୁମୀଙ୍କ ସ୍ୱାମୀ ୩ ମାସ ଜେଲ ଯାଇଥିଲେ। ଆଇପିସି ୧୬୪ ଅନୁଯାୟୀ ଆଜି ତାଙ୍କ ବୟାନ ରେକର୍ଡ କରାଯାଇ ପାରିନାହିଁ, ସୋମବାର ଦିନ ଏହା କରାଯିବ। ଏହାପରେ କାର୍ଯ୍ୟାନୁଷ୍ଠାନ ନିଆଯିବ।”

ପୁଲିସ୍‌ ଅଧିକାରୀ ମୌସୁମୀଙ୍କୁ ଥାନାକୁ ଡାକି ପଚରାଉଚରା କରିଥିଲେ ହେଁ ସେ କିଛି ଠିକ୍‌ରେ କହୁନାହାନ୍ତି। ତାଙ୍କ ସ୍ୱାମୀ ବିଶ୍ୱଜିତ ଦାସ କହିଛନ୍ତି, ସେ କିଛି ବି କହିବା ଆଗରୁ ଦଶ ଥର ଭାବିବେ। କାରଣ ତାଙ୍କ ସ୍ତ୍ରୀ ନିଜ ଇଚ୍ଛାରେ ହିଁ ଚାଲିଯାଇଥିଲେ ଏବଂ ୨ ବର୍ଷ କୌଣସି ଅଜଣା ସ୍ଥାନରେ ସମୟ କାଟି ଆସିଛନ୍ତି। ମୌସୁମୀ ଯିବାବେଳେ ୫ ବର୍ଷର ପୁଅ ପାର୍ଥକୁ ମଧ୍ୟ ଘରେ ଛାଡ଼ିଯାଇଥିଲେ ଏବଂ ତାଙ୍କୁ ସ୍ୱାମୀ ଅତ୍ୟାଚାର କରୁଥିବା ଦର୍ଶାଇ ଏକ ଚିଠି ମଧ୍ୟ ଛାଡ଼ିଯାଇଥିଲେ।

ଆହୁରି ପଢ଼ନ୍ତୁ

ଏଣିକି ବର୍ଷକୁ ଦୁଇ ଥର ବୋର୍ଡ ପରୀକ୍ଷା

ସେଲେବ୍ରିଟିଙ୍କ ରାକ୍ଷୀ ସେଲେବ୍ରେଶନ୍

ଅନନ୍ୟ: ସ୍ୱାମୀଙ୍କୁ ‘ତିନ୍ ତଲାକ୍’ ଦେଲେ ମହିଳା

ରିୟା ଫେରାର ନାହାନ୍ତି, ବିହାର ପୁଲିସ୍‌ ତାଙ୍କୁ ସମନ କରିନି: ଓକିଲ

ଅମିତ ଶାହଙ୍କୁ କରୋନା ପରେ ଆଇସୋଲେସନରେ ଆଉ ଜଣେ କେନ୍ଦ୍ରମନ୍ତ୍ରୀ

‘ପ୍ରଧାନମନ୍ତ୍ରୀଙ୍କ ପାଇଁ ମୋର ଚିନ୍ତା’: ଭୂମି ପୂଜନ କାର୍ଯ୍ୟକ୍ରମରେ ଯୋଗଦେବେନି ଉମା ଭାରତୀ

ଅଯୋଧ୍ୟା ଭୂମି ପୂଜନ ପାଇଁ ଇକବାଲ ଅନସାରୀଙ୍କୁ ମିଳିଲା ପ୍ରଥମ ନିମନ୍ତ୍ରଣ କାର୍ଡ

ମହାକାଶରୁ ସମୁଦ୍ର ମଧ୍ୟରେ ଅବତରଣ କଲେ ମହାକାଶଚାରୀ, ଦେଖନ୍ତୁ ଭିଡିଓ

ଓଜନ କମ୍‌ କରେ ଉଷୁମ ପାଣି

ସାଂସଦ କାର୍ତ୍ତି ଚିଦାମ୍ବରମ କରୋନାରେ ଆକ୍ରାନ୍ତ

ଦେଶରେ ୧୮ ଲକ୍ଷ ଟପିଲା ଆକ୍ରାନ୍ତଙ୍କ ସଂଖ୍ୟା, ଦିନକରେ ରେକର୍ଡ ୪୦ ହଜାରରୁ ଅଧିକ ସୁସ୍ଥ

ମୃତ୍ୟୁ ପୂର୍ବରୁ ସୁଶାନ୍ତ ଗୁଗଲ୍‌ରେ ସର୍ଚ୍ଚ କରିଥିଲେ ଏହି ତିନୋଟି ଶବ୍ଦ