୨୦୭୧କୋଟି ଟଙ୍କାର ୧୨ଟି ପ୍ରକଳ୍ପକୁ ସିଙ୍ଗଲୱିଣ୍ଡୋ ମଞ୍ଜୁରୀ

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟସ୍ତରୀୟ ସିଙ୍ଗଲୱିଣ୍ଡୋ କ୍ଲିଅରାନ୍ସ ଅଥରିଟି ଆଜି ୨୦୭୧ କୋଟି ଟଙ୍କାର ୧୨ଟି ପ୍ରକଳ୍ପକୁ ସିଙ୍ଗଲୱିଣ୍ଡୋ ମଞ୍ଜୁରୀ ଦେଇଛନ୍ତି । ଏହା ଦ୍ୱାରା ରାଜ୍ୟରେ ମୋଟ ୩୫୩୫ଜଣଙ୍କ ନିମନ୍ତେ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ । ଗତ ୧୧୦ଦିନ ମଧ୍ୟରେ ରାଜ୍ୟରେ ମୋଟ ୫୮୪୧କୋଟି ଟଙ୍କାର ପୁଞ୍ଜିନିବେଶ ପ୍ରକଳ୍ପକୁ ମଞ୍ଜୁରୀ ମିଳିଛି । ଏହା ଦ୍ୱାରା ୨୦୩୮୦ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ ବୋଲି ଜଣାପଡ଼ିଛି । ମୁଖ୍ୟ ସଚିବ ସୁରେଶ ମହାପାତ୍ରଙ୍କ ଅଧ୍ୟକ୍ଷତାରେ […]

Industry

Industry

Ordigital Desk
  • Published: Monday, 28 March 2022
  • Updated: 28 March 2022, 07:43 PM IST

Sports

Latest News

ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟସ୍ତରୀୟ ସିଙ୍ଗଲୱିଣ୍ଡୋ କ୍ଲିଅରାନ୍ସ ଅଥରିଟି ଆଜି ୨୦୭୧ କୋଟି ଟଙ୍କାର ୧୨ଟି ପ୍ରକଳ୍ପକୁ ସିଙ୍ଗଲୱିଣ୍ଡୋ ମଞ୍ଜୁରୀ ଦେଇଛନ୍ତି । ଏହା ଦ୍ୱାରା ରାଜ୍ୟରେ ମୋଟ ୩୫୩୫ଜଣଙ୍କ ନିମନ୍ତେ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ । ଗତ ୧୧୦ଦିନ ମଧ୍ୟରେ ରାଜ୍ୟରେ ମୋଟ ୫୮୪୧କୋଟି ଟଙ୍କାର ପୁଞ୍ଜିନିବେଶ ପ୍ରକଳ୍ପକୁ ମଞ୍ଜୁରୀ ମିଳିଛି । ଏହା ଦ୍ୱାରା ୨୦୩୮୦ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ ବୋଲି ଜଣାପଡ଼ିଛି ।

ମୁଖ୍ୟ ସଚିବ ସୁରେଶ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟସ୍ତରୀୟ ସିଙ୍ଗଲୱିଣ୍ଡୋ କ୍ଲିଅରାନ୍ସ ଅଥରିଟି ବୈଠକରେ ଗଞ୍ଜାମ ଜିଲ୍ଲାର ଗୋପାଳପୁରଠାରେ ପାମ୍ ରିସୋର୍ଟ ସ୍ଥାପନ କରିବାକୁ ସ୍ୱସ୍ତି ପ୍ରିମିୟମ ଗ୍ରୁପ୍ ଦେଇଥିବା ପ୍ରସ୍ତାବକୁ ମଞ୍ଜୁରୀ ମିଳିଛି । ଏଥିରେ ୯୫କୋଟି ଟଙ୍କାର ନିବେଶ ସହ ୨୩୦ଜଣଙ୍କୁ ନିଯୁକ୍ତି ସୁଯୋଗ ମିଳିବ । ସେହିପରି ପୁରୀ ଜିଲ୍ଲାରେ ରିସୋର୍ଟ ଆଣ୍ଡ ସ୍ପା ସ୍ଥାପନ ନିମନ୍ତେ ପୁଷ୍ପମ ରିଏଲିଟି ୬୭.୨୭କୋଟି ଟଙ୍କା ନିବେଶ କରିବ ଓ ଏଥିରେ ୫୦୦ଜଣଙ୍କ ପାଇଁ ନିଯୁକ୍ତି ସୁଯୋଗ ରହିବ ।

ଖୋର୍ଦ୍ଧାରେ ଆଶୀର୍ବାଦ ଇଞ୍ଜିନିୟରିଂ ଆଣ୍ଡ କନଷ୍ଟ୍ରକ୍ସନ୍ ପ୍ରାଇଭେଟ୍ ଲିମିଟେଡ୍ ୫୯.୩୩କୋଟି ଟଙ୍କା ବ୍ୟୟରେ ପଂଚତାରକା ହୋଟେଲ ନିର୍ମାଣ କରିବ । ଏଥିରେ ୧୫୧ଜଣଙ୍କୁ ନିଯୁକ୍ତି ମିଳିବ । କେନ୍ଦୁଝର ଜିଲ୍ଲାରେ ଶ୍ରୀ ମେଟାଲିକ୍ସ ୬୫୦କୋଟି ଟଙ୍କା ବ୍ୟୟରେ ପିଲେଟ୍ ତିଆରି କାରଖାନା ସ୍ଥାପନ କରିବ । ଏଥିରେ ୭୫୦ଜଣଙ୍କୁ ନିଯୁକ୍ତି ସୁଯୋଗ ମିଳିବ ।

ସିଦ୍ଧିରିଦ୍ଧି ଇଂଟରନ୍ୟାସନାଲ ପ୍ରାଃ ଦ୍ୱାରା କେନ୍ଦୁଝରରେ ୩୦୮କୋଟି ଟଙ୍କା ବ୍ୟୟରେ ବିଲେଟ୍ ଓ ପିଲେଟ୍ ପ୍ଲାଂଟ୍ ସ୍ଥାପନ ହେବ । ଏଥିରେ ୫୧୬ଜଣଙ୍କୁ ନିଯୁକ୍ତି ସୁଯୋଗ ମିଳିବ । ପଂଚବଟୀ ଷ୍ଟିଲ୍ ଦ୍ୱାରା ୨୦୩କୋଟି ଟଙ୍କା ବ୍ୟୟରେ କେନ୍ଦୁଝରରେ ସ୍ପଞ୍ଜ ଆଇରନ ଆଣ୍ଡ ଷ୍ଟିଲ୍ ବିଲେଟ୍ ପ୍ଲାଂଟ୍ ସ୍ଥାପନ ହେବ । ଜେକେ ବାୟୋଟେକ୍ ଲିମିଟେଡ୍ ଦ୍ୱାରା ୨୧୫କୋଟି ଟଙ୍କା ବ୍ୟୟରେ କଟକରେ ଖାଦ୍ୟଶସ୍ୟ ଆଧାରିତ ଇଥନଲ ଓ ପାୱାର ପ୍ଲାଂଟ ନିର୍ମାଣ କରାଯିବ । ଏଥିରେ ୨୫୦ଜଣଙ୍କୁ ନିଯୁକ୍ତି ସୁଯୋଗ ମିଳିବ ।

ସୁନ୍ଦରଗଡ଼ରେ ଏଲଏମବି କଞ୍ଜିମେରଟ ପ୍ରାଃ ୧୪୮କୋଟି ଟଙ୍କା ବ୍ୟୟରେ ଇଥନଲ ପ୍ଲାଂଟ ସ୍ଥାପନ କରି ୧୧୨ଜଣଙ୍କୁ ନିଯୁକ୍ତି ସୁଯୋଗ, ରାଉରକେଲା ସ୍ପଞ୍ଜ ୧୩୫କୋଟି ଟଙ୍କା ବରେ ସୁନ୍ଦରଗଡ଼ରେ ଇଥନଲ ପ୍ଲାଂଟ୍ ଓ ୧୫୦ଜଣଙ୍କୁ ନିଯୁକ୍ତି ସୁଯୋଗ, ଖୋର୍ଦ୍ଧାରେ ଉତ୍କଳ ଫିଡର ପ୍ରାଃ ଦ୍ୱାରା ବ୍ରିଡର ପାରେଂଟ୍ ୟୁନିଟ୍ , ହାଚେରୀ ଓ ଅଣ୍ଡା ଲେୟାର ୟୁନିଟ୍ ସ୍ଥାପନ ପାଇଁ ୫୪.୧୭କୋଟି ଟଙ୍କାର ପ୍ରକଳ୍ପକୁ ମଞ୍ଜୁରୀ ମିଳିଛି । ଏଥିରେ ୧୬୫ଜଣଙ୍କୁ ନିଯୁକ୍ତି ସୁଯୋଗ ମିଳିବ ।

ସ୍ପିନୋ ପେପର ଆଣ୍ଡ ବୋର୍ଡସ ପ୍ରାଃ ଲିଃ ଦ୍ୱାରା ୫୬.୧୭କୋଟି ଟଙ୍କା ବ୍ୟୟରେ କଟକରେ କ୍ରାଫ୍ଟ ପେପର ଓ ଡୁପ୍ଲେକ୍ସ ବୋର୍ଡ ତିଆରି ୟୁନିଟ୍ ସ୍ଥାପନ ହେବ। ଏଥିରେ ୨୦୦ଜଣଙ୍କୁ ନିଯୁକ୍ତି ସୁଯୋଗ ମିଳିବ । ସେହିପରି ହିନ୍ଦୁସ୍ତାନ ଆକ୍ୱା ପ୍ରାଃ ଲିଃ ଦ୍ୱାରା ୮୦କୋଟି ଟଙ୍କା ବ୍ୟୟରେ ପୁରୀରେ ଫୁଡ୍ କୋର୍ଟ, ରିଟେଲ୍ ସୁବିଧା, ଲଜିଷ୍ଟିକ ପାର୍କ ସ୍ଥାପନ କରାଯିବ । ଏଥିରେ ୩୦୦ରୁ ଅଧିକ ଲୋକଙ୍କୁ ନିଯୁକ୍ତି ମିଳିବ। ଏସବୁ ପ୍ରକଳ୍ପ ପ୍ରସ୍ତାବକୁ ଆଜି ରାଜ୍ୟସ୍ତରୀୟ ସିଙ୍ଗଲୱିଣ୍ଡୋ ଅଥରିଟି ମଞ୍ଜୁରୀ ଦେଇଛନ୍ତି । ଏହି ବୈଠକରେ ଉନ୍ନୟନ କମିଶନର ପ୍ରଦୀପ କୁମାର ଜେନାଙ୍କ ସମେତ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos