ଭୁବନେଶ୍ୱର: ଓଡ଼ିଶାରେ ୧୨୦ ଜଣ ଡାକ୍ତର ନିଜର କାର୍ଯ୍ୟସ୍ଥଳରେ ଅନୁପସ୍ଥିତ ରହିଛନ୍ତି। ସେମାନଙ୍କୁ କାରଣ ନୋଟିସ୍ ଜାରି କରାଯାଇଛି। ନୋଟିସ୍ ହେବାର ୧୫ ଦିନ ମଧ୍ୟରେ କାର୍ଯ୍ୟରେ ଯୋଗଦେବାକୁ ସେମାନଙ୍କୁ ନିର୍ଦ୍ଦେଶ ଦିଆଯାଇଛି। କାର୍ଯ୍ୟରେ ଯୋଗ ନ ଦେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କୁହାଯାଇଛି।
ଗତ ବର୍ଷ ନଭେମ୍ୱରରେ ବିନା ନୋଟିସ୍ରେ ଦୀର୍ଘଦିନ ଧରି ଅନୁପସ୍ଥିତ ଥିବା ୪୦୮ ଜଣ ଡାକ୍ତରଙ୍କୁ ଚାକିରିରୁ ବହିଷ୍କାର କରାଯାଇଥିଲା। ଏମାନଙ୍କ ସ୍ଥାନରେ ଅକ୍ଟୋବର ଶେଷ ସୁଦ୍ଧା ୩୬୩ ଜଣ ନୂଆ ଡାକ୍ତରଙ୍କୁ ନିଯୁକ୍ତି ଦିଆଯାଇଛି। ଏଥିସହ ଓପିଏସ୍ସିରେ ଖାଲି ପଡ଼ିଥିବା ଆଉ ୮୦୮ ଡାକ୍ତର ପଦବୀ ପୂରଣ ପାଇଁ ନିଯୁକ୍ତି ପ୍ରକ୍ରିୟା ଆରମ୍ଭ କରିଛି।