ବାଣ ଭିଡ଼ିବା ବେଳେ ବିସ୍ଫୋରଣ,୨ ଗୁରୁତର

ଯାଜପୁର: ଯାଜପୁର ଜିଲ୍ଲା ବରି ବ୍ଲକ ମାଳଦା ମୁସଲିମ ସାହିରେ ଆଜି ବାଣ ଭିଡୁଥିବା ବେଳେ ବିସ୍ଫୋରଣ ଘଟି ଘର ଛପର ଉଡିଯାଇଥିବା ବେଳେ ୨ଜଣ ଗୁରୁତର ଆହତ ହୋଇଛନ୍ତି।  ସେମାନେ ହେଲେ ସେକ୍ ମତଲୁବ ଅଲ୍ଲି ଓ ସେକ୍ ମିଟିରି। ଉଭୟଙ୍କୁ ଯାଜପୁର ଡାକ୍ତରଖାନାରେ ଭର୍ତ୍ତି କରାଯାଇଛି।

ଆଜି ସକାଳେ ଉଭୟ ଘର ଭିତରେ ବାଣ ଭିଡୁଥିବା ବେଳେ କୌଣସି କାରଣରୁ ନିଆଁ ଲାଗି ଯାଇ ବିସ୍ଫୋରଣ ହୋଇଥିଲା। ବରୀ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।