ଫୁଲବାଣୀ(ତ୍ରିନାଥ ସାହୁ): ଫୁଲବାଣୀ ଟାଉନ ଥାନା ଅଞ୍ଚଳର ପଟାବାଲି ଛକରେ ବିଳମ୍ବିତ ରାତିରେ ଡକାୟତି ପାଇଁ ଯୋଜନା କରୁଥିବା ୩ ଜଣଙ୍କୁ ଟାଉନ ଥାନା ପୁଲିସ୍ ପାଟ୍ରୋଲିଂ ଟିମ୍ ଗିରଫ କରିଛି । ପୁଲିସ୍ ସେମାନଙ୍କ କାର୍ ସହିତ ଗୋଟିଏ ମାଉଜର ପିସ୍ତଲ, ଦୁଇଟି କେଟରୀଜରୁ ୧୨ଟି ଜୀବନ୍ତ ଗୁଳି, ଗୋଟିଏ ଛୁରୀ, ୩ ମୋବାଇଲ ଏବଂ ଦୁଇଟି ପର୍ସରୁ ୫୩୪୦ ଟଙ୍କା ଜବତ କରିଛି।
ଗିରଫ ଅଭିଯୁକ୍ତମାନଙ୍କ ମଧ୍ୟରେ ଜଣକ ଘର ଫିରିଙ୍ଗିଆ ଥାନା ଅଞ୍ଚଳରେ ଏବଂ ଅନ୍ୟ ଦୁଇ ଜଣଙ୍କ ଘର ପଶ୍ଚିମବଙ୍ଗରେ। ସେମାନେ ଫିରିଙ୍ଗିଆର ମଳୟ କହଁର, ପଶ୍ଚିମବଙ୍ଗର ମୋଜାଫର ଏହେମଦ ଏବଂ ମୋତିଗୁଲ ଏସ.କେ ବୋଲି ଜଣାପଡିଛି।
ପୁଲିସ୍ଠାରୁ ମିଳିଥିଲା ସୂଚନା ଅନୁସାରେ, ପଟାବାଲି ଛକ ରାସ୍ତା ଦେଇ ବହୁ ଗଞ୍ଜେଇ ଚୋରାଚାଲାଣ ଗାଡ଼ି ଯାଉଥିବା ବେଳେ, ଅଭିଯୁକ୍ତମାନେ କିଛି ଗଞ୍ଜେଇ ଚୋରାଚାଲାଣକାରୀଙ୍କ ସହିତ ମିଶି ଲୁଟ୍ କରିବା ପାଇଁ ଯୋଜନା କରୁଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
