ନାରାୟଣପାଟଣା(ପି.ଗୋବିନ୍ଦରାଜୁ ସୁବୁଦ୍ଧି): କୋରାପୁଟ ଜିଲ୍ଲା ନାରାୟଣପାଟଣା ପୁଲିସ୍ ଆଜି ୩ ଜଣ ନକଲି ନକ୍ସଲଙ୍କୁ ଗିରଫ କରିଛି। ସେମାନେ ହେଲେ ବାସୁଦେବ ପାଙ୍ଗି(୨୮), ଜୁନେଶ ଖଥଲା(୨୭) ଓ ସୁରାତାଡ଼ିଙ୍ଗି (୧୯)। ବାସୁଦେବଙ୍କ ଘର ବେଲୁବାଡ଼ି ଗାଁରେ ହୋଇଥିବା ବେଳେ ଜୁନେଶଙ୍କ ଘର ତେନ୍ତୁଳିପଦର ଓ ସୁରତାଡିଙ୍ଗଙ୍କ ଘର ତଳଗୁମାଣ୍ଡି ଗାଁରେ। ଏମାନଙ୍କ ଠାରୁ ୭ଟି ମୋବାଇଲ୍ ଜବତ କରାଯାଇଛି।
ଗତ କିଛି ଦିନ ହେବ ଏହି ତିନି ଜଣ ନକ୍ସଲ ନାଁରେ ଧମକ ଦେଇ ଦୀପକ ବୁଧୱାର ନାମକ ଜଣେ ସୁପର କ୍ଲାସ୍ କଣ୍ଟ୍ରାକ୍ଟରଙ୍କ ନିକଟରୁ ୨୫ ଲକ୍ଷ ଟଙ୍କା ଦାବି କରୁଥିଲେ। ପୁଲିସ୍ ନିକଟରେ ଏନେଇ ଅଭିଯୋଗ ହେବା ପରେ ପୁଲିସ୍ ସେମାନଙ୍କୁ ଧରିଛି। ଅନ୍ୟ ଜଣେ ଅଭିଯୁକ୍ତ ଫେରାର୍ ଥିବା ଥାନା ଅଧିକାରୀ ସୂଚନା ଦେଇଛନ୍ତି।
ତେବେ ଗତକାଲି କୋରାପୁଟ ପୁଲିସ୍ ଆଉ ୩ଜଣ ନକଲି ନକ୍ସଲଙ୍କୁ ଗିରଫ କରିଥିଲା। ଏହା ଏକ ନକ୍ସଲ ପ୍ରବଣ ଅଞ୍ଚଳ ହୋଇଥିବାରୁ ଏହାର ସୁଯୋଗ ନେଇ ଲୋକଙ୍କୁ ଧମକାଇ କେତେକ ଯୁବକ ଟଙ୍କା ଆଦାୟ କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
