ସନ୍ଧ୍ୟାରେ ସୁଜି ଖାଇଲେ,ସକାଳେ ହସ୍ପିଟାଲରେ ଭର୍ତ୍ତି ହେଲେ ୪୦ ଛାତ୍ରୀ

କେନ୍ଦୁଝର(ପ୍ରଣୟ ପାଣି): ଗତକାଲି ସନ୍ଧ୍ୟା ବେଳେ  ସୁଜି ଖାଇବା ପରେ ଆଜି ସକାଳୁ ଅସୁସ୍ଥ ହୋଇପଡ଼ିଲେ ୪୦ ଛେତ୍ରୀ। ସେମାନଙ୍କର ମୁଣ୍ଡ ବୁଲାଇବା ସହ ଝାଡାବାନ୍ତି ହେଉଥିବା ନେଇ ଛାତ୍ରୀମାନେ କହିଛନ୍ତି । ଗୁରୁତର ଅବସ୍ଥାରେ ସେମାନଙ୍କୁ କେନ୍ଦୁଝର ତେଲକୋଇ ମେଡିକାଲରେ ଭର୍ତ୍ତି କରାଯାଇଛି  ।

କେନ୍ଦୁଝର ଜିଲ୍ଲା ତେଲକୋଇ ବ୍ଲକ ରାଇସୁଆଁ ସରକାରୀ ଉଚ୍ଚ ବିଦ୍ୟାଳୟର ଛାତ୍ରୀ ନିବାସରେ ପ୍ରାୟ ୧୦୦ରୁ ଊର୍ଦ୍ଧ୍ୱ ଛାତ୍ରୀ ରହୁଛନ୍ତି ଗତକାଲି ସନ୍ଧ୍ୟା ସମୟରେ ସମସ୍ତ ଛାତ୍ରୀ ହଷ୍ଟେଲ ମେସ୍‌ରେ ସୁଜି ଖାଇଥିଲେ। ଏହାପରେ ଧୀରେ ଧୀରେ କିଛି ପିଲାଙ୍କ ଦେହ ଖରାପ ହେବାକୁ ଲାଗିଲା । ସକାଳୁ ଏହି ସଂଖ୍ୟା ୪୦ ଉପରେ ପହଞ୍ଚିଲା।

ଏହାଦେଖି ସଙ୍ଗେ ସଙ୍ଗେ ସ୍କୁଲ କର୍ତ୍ତୃପକ୍ଷ ଛାତ୍ରୀମାନଙ୍କୁ ଚିକିତ୍ସା ଲାଗି ତେଲକୋଇ ମେଡିକାଲରେ ଭର୍ତ୍ତି କରିଛନ୍ତି । ଚିକିତ୍ସା ପରେ ସେମାନଙ୍କ ଅବସ୍ଥା ନିୟନ୍ତ୍ରଣାଧୀନ ଥିବା ଜଣାଯାଇଛି।  ଖାଦ୍ୟ କିମ୍ବା ପାଣି ଯୋଗୁଁ ଏପରି ହୋଇଥାଇପାରେ ବୋଲି ଅନୁମାନ କରାଯାଉଛି। ବର୍ତ୍ତମାନ ସେମାନଙ୍କ ଅବସ୍ଥା  ସ୍ଥିର ରହିଥିବା ନେଇ ଶିକ୍ଷକ କହିଛନ୍ତି  ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।