ରାୟଗଡ଼ା(ମାଉଡି ବାରିକ): ଦୋକନ ଘର ନିକଟରୁ ମିଳିଲା ୫ ବୋମା(ଜିଲୋଟିନ୍)। ରାୟଗଡା ଜିଲ୍ଲା କାଶୀପୁର ଥାନା ଅନ୍ତର୍ଗତ ସୁଙ୍ଗେରୁ ଗାଁର ଟୁଟୁ କିରାଣିଙ୍କ ଦୋକାନ ନିକଟରୁ ଏହି ବୋମା ମିଳିଛି। ବୋମା ସହ ବିସ୍ଫୋରକ ମଧ୍ୟ ମିଳିଛି।
ଏଠାରେ ବୋମା ରହିଥିବା ଖବର ପାଇ ବୋମା ନିଷ୍କ୍ରିୟକାରୀ ଦଳ ସହିତ ରାୟଗଡ଼ା ଏସପି ବିବେକାନନ୍ଦ ଶର୍ମା ଓ ସିଆରପିଏଫ୍ ଯବାନ ପହଞ୍ଚିଥିଲେ। ବୋମୋ ନିଷ୍କ୍ରିୟକାରୀ ଦଳ ବିସ୍ଫୋରକକୁ ନିଷ୍କ୍ରିୟ କରିଥିଲେ। ସେଠାକୁ ବିସ୍ଫୋରକ କେମିତି ଆସିଲା ତଦନ୍ତ ଚାଲୁ ରହିଥିବା ନେଇ ଏସପି ସୂଚନା ଦେଉଛନ୍ତି।
ଏବେ ନକ୍ସଲ ସଂଗଠନ ପି.ଏଲ.ଜି.ଏ ସପ୍ତାହ ପାଳନ କରୁଛନ୍ତି। ଶୁଙ୍ଗେରୁ ଗାଁ ମାଓବାଦୀ ପ୍ରଭାବିତ ଅଞ୍ଚଳ ଭିତରେ ଆସୁଛି। ତେଣୁ ସମଗ୍ର ଅଞ୍ଚଳରେ ପୁଲିସ ପକ୍ଷରୁ ସତର୍କ ନଜର ରଖାଯାଇଛି। ବୋମା ଓ ବିସ୍ଫୋରକ ମିଳିବା ପରେ ଏଥିରେ ମାଓବାଦୀଙ୍କ ସମ୍ପୃକ୍ତି ନେଇ ସନ୍ଦେହ କରାଯାଉଛି। ପୁଲିସ ଓ ସିଆରପିଏଫ୍ ଏହାର ତଦନ୍ତ ଆରମ୍ଭ କରିଛି। ଦୋକାନୀଙ୍କୁ ଏ ବାବଦରେ ପଚରାଉଚରା ମଧ୍ୟ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
