ଉଦଳା(ମାନସ ପାଣି): ଗତରାତିରେ ମୟୂରଭଞ୍ଜ ଜିଲ୍ଲା ଉଦଳା ବୃନ୍ଦାଗଡି ଛକଠାରେ ଘଟିଛି ମର୍ମନ୍ତୁଦ ବସ୍ ଦୁର୍ଘଟଣା। ଏକ ଯାତ୍ରୀବାହୀ ବସ୍ ସହ ବାଇକ୍ ଧକ୍କା ହେବାରୁ ୫ ଜଣ ଗୁରୁତର ହୋଇଛନ୍ତି।
‘ସାଇ ଶଙ୍କର’ ନାମକ ଯାତ୍ରୀବାହୀ ବସ୍ ଗତ ରାତିରେ ସାରଶକଣାରୁ ଉଦଳା ଦେଇ ଭୁବନେଶ୍ୱର ଅଭିମୁଖେ ଯାଉଥିଲା। ବୃନ୍ଦାଗଡି ଛକଠାରେ ବସ୍ଟି ଏକ ବାଇକ୍କୁ ଧକ୍କା ଦେଇ ଏକ ଦୋକାନରେ ପିଟି ହୋଇଥଲା । ଫଳରେ ବସ୍ ଡ୍ରାଇଭର, ୩ ଯାତ୍ରୀ ଓ ବାଇକ୍ ଚାଳକ ବୃନ୍ଦାଗଡି ଅଞ୍ଚଳର ଲକ୍ଷ୍ମଣ ହେମ୍ବ୍ରମ ଗୁରୁତର ହୋଇଛନ୍ତି। ଅନ୍ୟ ସମସ୍ତ ଆହତ ସାରସକଣା ଅଞ୍ଚଳର ବୋଲି ଜଣାଯାଇଛି।
ଖବର ପାଇ ସ୍ଥାନୀୟ ଲୋକେ ଓ ପୁଲିସ୍ ପହଞ୍ଚି ଗୁରୁତରଙ୍କୁ ଉଦ୍ଧାର କରି ଉଦଳା ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଲକ୍ଷ୍ମଣଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି। ପୁଲିସ୍ ଗାଡ଼ି ୨ଟିକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
