ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପଟ୍ଟାମୁଣ୍ଡାଇ (ପ୍ରବୀର ନାୟକ): କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇକୁ ସବ୍‌ଡିଭିଜନ୍‌ ମାନ୍ୟତା ଦାବିରେ କଂଗ୍ରେସ ପକ୍ଷରୁ ୬ ଘଣ୍ଟିଆ ବନ୍ଦ ଡାକରା ଦିଆଯାଇଛି। ସକାଳ ୬ରୁ ଦିନ ୧୨ ଟା ପର୍ଯ୍ୟନ୍ତ ବନ୍ଦ ଡକରା ଦିଆଯାଇଛି। ଏହି ବନ୍ଦକୁ ବଣିକ ସଂଘ ସମର୍ଥନ ଜଣାଇବା ପରେ ସମସ୍ତ ଦୋକାନ ବଜାର ବନ୍ଦ ରହିଛି। ଏହାସହ ଗାଡ଼ି ମଟର ଅଟକି ରହିଛି।</p> <p>ସୂଚନାଯୋଗ୍ୟ, ୧୯୯୩ ମସିହାରେ କେନ୍ଦ୍ରାପଡ଼ା ଜିଲ୍ଲା ଗଠନ ପରେ ପଟ୍ଟାମୁଣ୍ଡାଇକୁ ସବ୍‌ଡିଭିନ୍‌ ମାନ୍ୟତା ପାଇଁ ଦାବି ହୋଇଥିଲା। ବିଧାନସଭା ଷ୍ଟାଣ୍ଡିଙ୍ଗ୍‌ କମିଟି ଆଳିକୁ ସବ୍‌ଡିଭିଜନ ମାନ୍ୟତା ଦେବା ପାଇଁ ପ୍ରସ୍ତାବ ଦେବା ପରେ ବିବାଦ ଆରମ୍ଭ ହୋଇଥିଲା। ଏନେଇ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ସର୍ବଦଳୀୟ ବୈଠକ ବିଫଳ ହେବା ପରେ କଂଗ୍ରେସ ବନ୍ଦ ଡାକରା ଦେଇଥିଲା। ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ପଟ୍ଟାମୁଣ୍ଡାଇ ବଜାରର ବିଭିନ୍ନ ସ୍ଥାନରେ ପୋଲିସ ମୁତୟନ କରାଯାଇଛି।</p> <p>ନଗର କଂଗ୍ରେସ କମିଟି ସଭାପତି ପ୍ରଦୀପ ପ୍ରଧାନ କହିଛନ୍ତି,“ ପଟ୍ଟାମୁଣ୍ଡାଇ କେନ୍ଦ୍ରାପଡ଼ା ଜିଲ୍ଲାର ଏକ କେନ୍ଦ୍ରସ୍ଥଳୀ। ୩ଟି ନିର୍ବାଚନ ମଣ୍ଡଳୀ ଓ କେନ୍ଦ୍ରାପଡ଼ାର ୧୨ ଟି ପଞ୍ଚାୟତ ଲୋକେ ପଟ୍ଟାମୁଣ୍ଡାଇ ବଜାର ଉପରେ ନିର୍ଭର କରିନ୍ତି। ଏଠାରେ ସବ୍‌ ଜଜ୍‌ କୋର୍ଟ,ଏସ୍‌ଡିପିଓ ଅଫସ୍‌ ଏବଂ ସମସ୍ତ ସରକାରୀ କାର୍ଯ୍ୟାଳୟ ରହିଛି। ୧୯୯୩ ମସିହାରୁ ପଟ୍ଟମୁଣ୍ଡାଇକୁ ସବ୍‌ଡିଭିଜନ୍ ମାନ୍ୟତା ପାଇଁ ବିଭିନ୍ନ ସଙ୍ଗଠନ ଓ ବୁଦ୍ଧିଜୀବୀଙ୍କ ପକ୍ଷରୁ ଦାବି ଉପସ୍ଥାପନ କରାଯାଉଛି। ଆଜିର ଏହି ବନ୍ଦ ଡାକରାକୁ ସମସ୍ତେ ସମର୍ଥନ କରିଛନ୍ତି। ପୁଣି ଥରେ ସରକାରଙ୍କ ନିଦ ଭାଙ୍ଗିବାକୁ ପଟ୍ଟମୁଣ୍ଡାଇବାସୀ ଏକଜୁଟ ହୋଇ ଏହି ବନ୍ଦକୁ ସଫଳ କରିଛନ୍ତି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
