ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତାକାଲି ଓଡ଼ିଶା ଆସୁଛନ୍ତି ବିଜେପିର କେନ୍ଦ୍ରୀୟ ଟିମ୍‌। ୬ଜଣ ସଦସ୍ୟଙ୍କୁ ନେଇ ଗଠିତ ଏହି ଟିମ୍‌ ଓଡ଼ିଶାରେ ୪ଦିନ ରହି ମରୁଡି ପରିସ୍ଥିତି ଓ ରୋଗପୋକ ଲାଗି ହୋଇଥିବା ଫସଲହାନିର ଅନୁଧ୍ୟାନ କରିବେ। ବିଜେପିର କେନ୍ଦ୍ରୀୟ ଟିମ୍ ସାଂସଦ ଓମ୍ ପ୍ରକାଶ ଯାଦବଙ୍କ ନେତୃତ୍ୱରେ ଏହି ଟିମ୍‌ ଓଡ଼ିଶା ଆସୁଛି। ଏନେଇ ଆଜି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବିଜେପି କୃଷକ ମୋର୍ଚ୍ଚା ସାଧାରଣ ସମ୍ପାଦକ ସୁରଥ ବିଶ୍ୱାଳ।</p> <p>ଏହି ଟିମ୍ ୪ ଦିନରେ ୭ଟି ଜିଲ୍ଲା ବରଗଡ଼, ସୁବର୍ଣ୍ଣପୁର, ନୂଆପଡ଼ା, ବୌଦ୍ଧ, ବଲାଙ୍ଗିର, ଗଞ୍ଜାମ ଓ ନୟାଗଡ଼ ବୁଲି ରିପୋର୍ଟ ପ୍ରସ୍ତୁତ କରିବେ। ଏହି ରିପୋର୍ଟ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କୁ ପ୍ରଦାନ କରାଯିବ।</p> <p>ଅନ୍ୟପକ୍ଷରେ ନକଲି କୀଟନାଶକ ପ୍ରସଙ୍ଗରେ ପୁଣି ଥରେ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ ଜୁଏଲ ଓରାମ। ରାଜ୍ୟକୁ ନକଲି କୀଟନାଶକ ଆସିଲା କେମିତି ବୋଲି ଜୁଏଲ ପ୍ରଶ୍ନ କରିଛନ୍ତି। କିଏ ସାର୍ଟିଫିକେଟ ଦେଇଛି ଓ କିଏ ଯୋଗାଇଛି ତଦନ୍ତ ହେଉ ବୋଲି ଜୁଏଲ ଦାବି କରିଛନ୍ତି। ଏହାସହ କୀଟନାଶକ ଯୋଗାଣରେ ପିସି କାରବାର ହୋଇଥିବା ସନ୍ଦେହ କରିବା ସହ ଏଥିରେ କୃଷିମନ୍ତ୍ରୀଙ୍କୁ ସମ୍ପୃକ୍ତି ଥିବା ଙ୍ଗିତ କରିଛନ୍ତି।</p> <p>ତେବେ ଜୁଏଲଙ୍କ ଏପରି ଅଭିଯୋଗକୁ ନେଇ ରାଜ୍ୟ ସରକାର କିମ୍ବା ବିଜେଡି ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
