ଦିନକ ପରେ ଦେବସ୍ନାନ ପୂର୍ଣ୍ଣମୀ, ସ୍ନାନ କରିବେ ଶ୍ରୀଜୀଉ

ପୁରୀ (ଓଡ଼ିଶା ରିପୋର୍ଟର): ଦିନକ ପରେ ଦେବସ୍ନାନ ପୂର୍ଣ୍ଣମୀ। ସ୍ନାନବେଦିରେ ୧୦୮ କୁମ୍ଭ ସୁବାସିତ ଜଳରେ ସ୍ନାନ କରିବେ ଶ୍ରୀଜୀଉ। ପରମ୍ପରା ଅନୁସାରେ ଆଜି ତ୍ରୟୋଦଶୀ ତିଥିରେ ଶ୍ରୀମନ୍ଦିରେ ଦଇତାଙ୍କ ପ୍ରବେଶ ହୋଇଛି। ଆଜି ବିଳମ୍ବିତ ରାତିରୁ ମହାପ୍ରଭୁଙ୍କ ଶ୍ରୀଅଙ୍ଗ ସୁରକ୍ଷା ନୀତି ଆରମ୍ଭ ହେବା ପରେ ସକାଳୁ ସେନାପଟା ଲାଗି କରାଯିବ। ଏହା ଗୁପ୍ତ ସେବା ହୋଇଥିବାରୁ ଆସନ୍ତାକାଲି ଅପରାହ୍ନ ୨ଟା ପର୍ଯ୍ୟନ୍ତ ଶ୍ରୀମନ୍ଦିରରେ ଭକ୍ତଙ୍କ ଲାଗି ଦର୍ଶନ ବନ୍ଦ ରହିବ।

ଦେବସ୍ନାନ ପୂର୍ଣ୍ଣମୀରେ ଠାକୁରମାନେ ଅତ୍ୟଧିକ ସ୍ନାନ କରି ଜ୍ୱରରେ ପୀଡ଼ିତ ହେବା ସମୟରେ ଠାକୁରଙ୍କ ଜ୍ୱର ଉପଶମ ଲାଗି ନୀତିକାନ୍ତିରେ ଲାଗିବେ ଦଇତାପତି ସେବାୟତ। ଜ୍ୱର ଭଲ ହେବା ପରେ ନବଯୌବନ ଦର୍ଶନ ଦେଇ ପରଦିନ ଘୋଷଯାତ୍ରାରେ ବାହାରିବେ ଚତୁର୍ଦ୍ଧାମୂରତି।

ସେପଟେ ରଥଖଳାରେ ରଥକାମ ମଧ୍ୟ ଦୃତଗତିରେ ଆଗେଇ ଚାଲିଛି।