ପାରଳାଖେମୁଣ୍ଡି (ଆଦର୍ଶ ଦାଶ): ଆନ୍ଧ୍ରପ୍ରଦେଶ ପୁଲିସ ପଞ୍ଝାରେ ନକଲି ନୋଟ କାରବାର ଗ୍ୟାଙ୍ଗ। ଶ୍ରୀକାକୁଲମ୍ ପୁଲିସ ଏହି ଗ୍ୟାଙ୍ଗକୁ ଧରିବାରେ ସକ୍ଷମ ହୋଇଛି। ଗିରଫ ୫ ଜଣଙ୍କ ମଧ୍ୟରୁ ୩ ଜଣ ଗଜପତି ଜିଲ୍ଲା ପାରଳାଖେମୁଣ୍ଡି ଅଞ୍ଚଳର ବୋଲି ଜଣାପଡିଛି। ସେମାନେ ହେଲେ ସୁରେଶ ପାଣି, ସୁବାସ ପାଣି ଓ ଭେଙ୍କେଟ ରାଓ।
ଏମାନେ ଆନ୍ଧ୍ରପ୍ରଦେଶର ପଲସା, କାଷିବୁଗା, ଭାମିନି ଓ ଶ୍ରୀକାକୁଲମ ଅଞ୍ଚଳରେ ନିଜ କାରବାର ଚଳାଇଥିଲେ। ଛୋଟଛୋଟ ଦୋକାନୀ ଓ ବ୍ୟବସାୟୀଙ୍କୁ ୧୦ ହଜାର ଟଙ୍କାରେ ୫୦ ହଜାର ଟଙ୍କାର ନକଲି ନୋଟ ଦେଇ କାରବାର ଚଳାଇ ଥିଲେ। ଗିରଫ ବ୍ୟକ୍ତିଙ୍କଠାରୁ ପୁଲିସ ୧ ଲକ୍ଷ ୮୪ ହଜାର ଟଙ୍କାର ନକଲି ନୋଟ, ଗୋଟିଏ ସ୍କାନର ଓ ପ୍ରିଣ୍ଟର ଜବତ କରିଛି। ଏହି ଗ୍ୟାଙ୍ଗ ପଛରେ କାହାର ହାତ ରହିଛି। ଅନ୍ୟ କେଉଁ ଅଞ୍ଚଳରେ ଏମାନଙ୍କ କଳା କାରବାର ଚାଲିଛି, ସେନେଇ ପୁଲିସ ଖୋଳତାଡ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
