ଭୁବନେଶ୍ୱର: ଭୁବନେଶ୍ୱରସ୍ଥିତ ଆପୋଲୋ ହସ୍ପିଟାଲରେ ଚିକିତ୍ସା ଅନିୟମିତତା ଅଭିଯୋଗର ତଦନ୍ତ ଜାରି ରହିଛି। ଏହି ଘଟଣାରେ ହସ୍ପିଟାଲର ଡିଜିଏମ୍ ଓ ସୁପରଭାଇଜର ଗିରଫ ହୋଇ କୋର୍ଟାଚାଲାଣ ହୋଇଥିଲେ। ତେବେ ଏଥିରେ ହସ୍ପିଟାଲର ଆଉ କିଏ ସମ୍ପୃକ୍ତ ସେ ନେଇ ଖୋଲତାଡ଼ ଚାଲିଥିବା ପୋଲିସ କମିଶନର କହିଛନ୍ତି। ହସ୍ପିଟାଲ ବିରୋଧରେ ଏପରି ଆଉ କିଛି ଅଭିଯୋଗ ଆସିଲେ ତାର ମଧ୍ୟ ତଦନ୍ତ କରାଯିବ ବୋଲି କମିଶନର ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି।
ଗତ ଏପ୍ରିଲ୍ ୧୯ ତାରିଖରେ ନାଲକୋ ଅନୁଗୁଳର ଜଣେ କର୍ମଚାରୀ ତାଙ୍କ ମାଆଙ୍କ ଚିକିତ୍ସା ଆପୋଲୋରେ କରିଥିଲେ। ନାଲକୋ ସହ ସମ୍ପୃକ୍ତ ହସ୍ପିଟାଲ ଅନୁବନ୍ଧିତ ହୋଇଥିବାରୁ ଚିକିତ୍ସା ବାବଦକୁ ହସ୍ପିଟାଲ ୫ ଲକ୍ଷ ୮୫ ହଜାର ୩୫୬ ଟଙ୍କ।ର ବିଲ୍ ନାଲକୋକୁ ପଠାଇଥିଲା। ମାତ୍ର ସନ୍ଦେହ ହେବାରୁ, ଏହାର ଖୋଳତାଡ଼ କରି ବିଲରେ ଅନିୟମିତତା ରହିଥିବା ନାଲକୋ ଜାଣିବାକୁ ପାଇଥିଲା । ତେଣୁ ଏ ନେଇ ନାଲକୋ କର୍ତ୍ତୃପକ୍ଷ ଜୁଲାଇ ୧୭ରେ ସହିଦନଗର ଥାନାରେ ଏତଲା ଦେଇଥିଲେ । ହସ୍ପିଟାଲ କର୍ତ୍ତୃପକ୍ଷ କୋଲକାତାର ଏକ କମ୍ପାନୀର ନକଲି ବିଲ୍ ଦେଇଥିବା ପୋଲିସ ତଦନ୍ତ ବେଳେ ଜାଣିବାକୁ ପାଇଥିଲା ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
