ରାସ୍ତାତଳକୁ ଓଲଟିଲା ବରଯାତ୍ରୀ ଗାଡ଼ି

ରାଇରଙ୍ଗପୁର(ଓଡ଼ିଶା ରିପୋର୍ଟର): ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ବିଜାତଳା ଛକ ନିକଟରେ ଏକ ବରଯାତ୍ରୀ ଗାଡ଼ି  ଭାରସାମ୍ୟ ହରାଇ ଓଲଟି ପଡ଼ିବାରୁ ୬ଜଣ ଆହତ ହୋଇଛନ୍ତି। ସମସ୍ତଙ୍କୁ ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତମାନଙ୍କ ମଧ୍ୟରେ ୩ ଜଣଙ୍କ ଅବସ୍ଥା ଗୁରୁତର ରହିଛି।

ଆଜି ସକାଳେ ବରଯାତ୍ରୀଙ୍କୁ ନେଇ ଗାଡ଼ିଟି ରାଇରଙ୍ଗପୁର ନିକଟ ଟେଣ୍ଟପୋଷି ଗାଁରୁ ବଙ୍ଗରିପୋଷି ଅଞ୍ଚଳ କୁସୁମବନ୍ଦ ଗାଁକୁ ଆସୁଥିଲା।  ଏହି ସମୟରେ ବିଜାତଳା ଛକ ନିକଟରେ ଗାଡ଼ିଟି ଭାରସାମ୍ୟ ହରାଇ ରାସ୍ତାତଳକୁ  ଓଲଟି ପଡ଼ିଥିଲା। ଗାଡ଼ିରେ ୧୩ ଜଣ ଥିଲେ। ଦୁର୍ଘଟଣା ପରେ ଡ୍ରାଇଭର ଗାଡ଼ି ଛାଡ଼ି ଫେରାର ହୋଇଯାଇଥିଲା। ପୁଲିସ ପହଞ୍ଚି ଗାଡ଼ିକୁ  ଜବତ କରି  ଘଟଣାର ତଦନ୍ତ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।