ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ(ଓଡିଶା ରିପୋର୍ଟର): ବିପର୍ଯ୍ୟସ୍ତ ସ୍ଥିତିରେ ପର୍ଯ୍ୟଟନ ସହର ପୁରୀ। ପ୍ରବେଶ ପଥ ଅଠରନଳା ନବକଳେବର ସମୟରେ କୋଟି କୋଟି ଟଙ୍କା ଖର୍ଚ୍ଚ କରାଯାଇ ଏହାର ସୌନ୍ଦର୍ଯ୍ୟକରଣ ଏବଂ ମୂଷାନଈର ଖନନ କାର୍ଯ୍ୟ କରାଯାଇଥିଲା। କିନ୍ତୁ ଏହାରି ଭିତରେ ରକ୍ଷଣାବେକ୍ଷଣ ଅଭାବ ଯୋଗୁଁ ସ୍ଥିତି ଯଥା ପୂର୍ବ ତଥା ପରଂ ହୋଇଛି। ସେପଟେ ଏହାର ପୁନରୁଦ୍ଧାର ପାଇଁ ପ୍ରାଶାସନ ପୁଣି ଥରେ ଯୋଜନା କରୁଥିବା ଜଣାପଡିଛି।</p> <p>ଚାରିଆଡେ କୁଢକୁଢ ଅଳିଆ ଆବର୍ଜନା ସହ ଅନାବନା ଗଛରେ ପରିପୂର୍ଣ୍ଣ ହୋଇ ରହିଛି ଅଠରନଳା। ୩ ବର୍ଷ ତଳେ ଅର୍ଥାତ ମହାପ୍ରଭୁଙ୍କ ନବକଳେବର ସମୟରେ ୧କୋଟି ଟଙ୍କା ବିନିମୟରେ ଅଠରନଳାର ସୌନ୍ଦର୍ଯ୍ୟକରଣ କରାଯାଇଥିଲା। ମୂଷାନଈର କିଛି ଅଂଶ ମଧ୍ୟ ଖନନ କରାଯାଇଥିଲା। କିନ୍ତୁ ପ୍ରଶାସନର ରକ୍ଷଣାବେକ୍ଷଣରେ ଅଭାବ ଯୋଗୁଁ ସ୍ଥିତି ଖରାପ ହୋଇଯାଇଛି। ଏବେ ମୂଷାନଈର ପୁନରୁଦ୍ଧାର ଏବଂ ଅଠରନଳାର ସୌନ୍ଦର୍ଯ୍ୟକରଣ ପାଇଁ ପ୍ରଶାସନ ଅଣ୍ଟା ଭିଡିଛି। ହୃଦୟ ଯୋଜନାରେ ଏହାକୁ ଅର୍ନ୍ତଭୁକ୍ତ କରି ସ୍ୱତନ୍ତ୍ର ଖସଡା ପ୍ରସ୍ତୃତ କରାଯାଇଛି। ଏନେଇ ବିଭିନ୍ନ ବିଭାଗର ଅଧିକାରୀଙ୍କ ସହ ଆଲୋଚନା କରାଯାଇଥିବା ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି କହିଛନ୍ତି।</p> <p>ସୂଚନା ଅନୁସାରେ ମୋଟ ୨୬କୋଟି ଟଙ୍କା ବିନିମୟରେ ଅଠରନଳା ଏବଂ ମୂଷା ନଇର ସୌନ୍ଦର୍ଯ୍ୟକରଣ କରାଯିବ। ଏଥିପାଇଁ ମୂଷାନଇ କଡ଼ରେ ଥିବା ଜବରଦଖଲ ଘରଗୁଡିକୁ ଉଚ୍ଛେଦ କରାଯିବ। ସେଠାରେ ପର୍ଯ୍ୟଟକ ବସିବା ପାଇଁ ବ୍ୟବସ୍ଥା ସହ ପାଣିକୁ ସଫା କରାଯାଇ ବୋଟିଂ ସୁବିଧା ଉପଲବ୍ଧ ହେବ। ସେହିପରି ମୂଷାନଈର ପୁନରୁଦ୍ଧାର ପାଇଁ ହୁଳୁହୁଳିଆ ପୋଲଠାରୁ ମଙ୍ଗଳଘାଟ ପର୍ଯ୍ୟନ୍ତ ୪କିଲୋମିଟର ଖନନ କାର୍ଯ୍ୟ କରାଯିବ। ସେଥିମଧ୍ୟରୁ ୨୭୦୦ ମିଟର ରିଜ୍‌ରଭର ପାଇଁ ଖନନ କରାଯିବ। ଏଥିରେ ପଥର ପ୍ୟାକିଂ ଦିଆଯାଇ ମୂଷାନଈକୁ ସୁଦୃଢୀକରଣ କରାଯିବ। ପ୍ରଶାସନର ଏଭଳି ନିଷ୍ପତ୍ତି ବିଭିନ୍ନ ମହଲରେ ସ୍ୱାଗତ କରାଯାଇଥିଲେ ମଧ୍ୟ ମନ୍ଥର କାର୍ଯ୍ୟ ପାଇଁ ଅସନ୍ତୋଷ ପ୍ରକାଶ ପାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
