ବିଡିଓଙ୍କୁ ବୁଲଡୋଜର ଚପାଇ ମାରିଦେବାକୁ ଧମକ

ଟିଟିଲାଗଡ଼(ଓଡ଼ିଶା ରିପୋର୍ଟର) : ନିଜ ଅଫିସରେ କାର୍ଯରତ ଥିବା ବେଳେ  ଜଣେ ଯୁବକ ଆକ୍ରମଣ ସହ  ହତ୍ୟା ଧମକ ଦେଇଥିବା ଅଭିଯୋଗ ଆଣିଛନ୍ତି ବଲାଙ୍ଗିର ଜିଲ୍ଲା ଟିଟିଲାଗଡ ବିଡିଓ ନବୀନ ଚନ୍ଦ୍ର ନାୟକ ।

ବିଡିଓ ନିଜ ଅଫିସରେ ଥିବା ବେଳେ ଜଣେ ଯୁବକ ସେଠାରେ ପହଞ୍ଚି  ବିଭିନ୍ନ ପଞ୍ଚାୟତରେ ହେଉଥିବା ଉନ୍ନୟନମୂଳକ କାର୍ଯ୍ୟ ସମ୍ପର୍କରେ ପଚାରିଥିଲେ । କରୋନ ପରିସ୍ଥିତିରେ କୌଣସି କାର୍ଯ୍ୟ ହେଉ ନଥିବା ବିଡିଓ କହିଥିଲେ । ହେଲେ  ଟିଟିଲାଗଡ଼ ବ୍ଲକ ଅଧୀନରେ ଥିବା ୨୪ ପଞ୍ଚାୟତରେ କାମ ଖୁବ୍‌ ଶୀଘ୍ର ଆରମ୍ଭ ହେବ ବୋଲି ବିଡିଓ କହିଥିଲେ।

ଏହାହାପରେ ଯୁବକଜଣକ ଉତ୍ତ୍ୟକ୍ତ ହୋଇ ଆମ ଅଜାଣତରେ କିପରି କାମ ଆରମ୍ଭ ହେବ ବୋଲି ପଚାରିଥିଲେ।  ଏହାପରେ ସେ ବିଡିଓଙ୍କୁ ଗାଳି ଗୁଲଜ କରିବା ସହିତ ଆକ୍ରମଣ କରିଥିବା ଅଭିଯୋଗ ହୋଇଛି । ଏହାବାଦ  ରାସ୍ତାରେ  ବୁଲଡୋଜର ଚପାଇ ମାରିଦେବାକୁ ଧମକ ଦେଇଥିବା ପ୍ରତ୍ୟକ୍ଷଦର୍ଶୀଙ୍କ ସୂତ୍ରରୁ ଜଣାପଡ଼ିଛି।

ଏନେଇ ବିଡିଓ ଟିଟିଲାଗଡ ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୁକ୍ତ ଯୁବକଙ୍କୁ ପୋଲିସ ଅଟକ ରଖି ପଚରାଉଚରା କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।