ବାଲିଗୁଡ଼ା(ଅଜିତ ନାୟକ): ଚଳନ୍ତା ଅଟୋ ଉପରେ ଗଛ ପଡ଼ି ଯିବାରୁ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ଆଜି ଏପରି ଦୁଃଖଦ ଘଟଣା କନ୍ଧମାଳ ଜିଲ୍ଲା ଦାରିଙ୍ଗବାଡି-ଡୁଲୁରୀ ମୁଖ୍ୟ ରାସ୍ତାରେ ଘଟିଛି। ତେବେ ଅଟୋରେ ବସିଥିବା ୫ ଜଣଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି।
ଲଘୁଚାପ ବର୍ଷା ସତ୍ତ୍ୱେ ପ୍ଲୀହେରି ଗାଁର କେତେକ ଲୋକ ଚାଉଳ ପାଇଁ ଦାରିଙ୍ଗବାଡ଼ି ଯାଇଥିଲେ। ଅପରାହ୍ନରେ ସେମାନେ ଚାଉଳ ଧରି ଏକ ଅଟୋରେ ଘରକୁ ଫେରୁଥିଲେ। ତେବେ ଦାରିଙ୍ଗବାଡ଼ି-ଡୁଲୁରୀ ମୁଖ୍ୟ ରାସ୍ତା ପ୍ଲୀହେରି ଛକରେ ଏକ ଗଛ ଉପୁଡି ସେମାନଙ୍କ ଅଟୋ ଉପରେ ପଡ଼ିଥିଲା। ଫଳରେ ପ୍ଲୀହେରି ଗାଁର ୩ ନମ୍ବର ୱାର୍ଡ଼ର ସାବନ୍ତି ପ୍ରଧାନଙ୍କ ମୃତ୍ୟୁ ଘଟିଥିବା ବେଳେ ପ୍ରଦୀପ ପ୍ରଧାନ ଗୁରୁତର ଆହତ ହୋଇଛନ୍ତି। ତାଙ୍କୁ ଦାରିଙ୍ଗବାଡି ହସ୍ପିଟାଲ୍ରେ ଭର୍ତ୍ତି କରାଯାଇଛି। ତେବେ ଅଟୋରେ ବସିଥିବା ଅନ୍ୟ ୫ଜଣ ଅଳ୍ପକେ ବର୍ତ୍ତି ଯାଇଛନ୍ତି।