ଆକାଉଣ୍ଟ ନମ୍ୱର ୧୦୦୯୧୮୦ ୫୫୭୩ କାହାର? ବିଜେଡି, ବିଜେପି ନା ବେନାମୀ

<p>ଭୁବନେଶ୍ୱର: ବିଜେଡି ଆକାଉଣ୍ଟ ଅନିୟମିତତା ଅଭିଯୋଗକୁ ନେଇ ବିଜେପି ଓ ବିଜେଡି ପୁଣି ମୁହାଁମୁହିଁ ହୋଇଛନ୍ତି। ବିଜେଡିର ବେନାମୀ ପାଣ୍ଠିର ତଦନ୍ତ ପାଇଁ ଆଜି ବିଜେପି ଆୟକର ବିଭାଗ ପାଖରେ ଫେରାଦ ହୋଇଛି। ଅନ୍ୟପକ୍ଷରେ ନିଜ ଆକଉଣ୍ଟରେ କୌଣସି ଅନିୟମିତିତା ହୋଇନି ବୋଲି ବିଜେଡି ସଫେଇ ଦେଇଛି। ବିଜେପି ନେତା ମିଥ୍ୟା ପ୍ରଚାର କରୁଥିବା କହି ଦଳ ମାମଲା କରିବାକୁ ଧମକ ଦେଇଛି।</p> <p>ଭୁବନେଶ୍ୱର ଏସ୍&zwnj;ବିଆଇ ମୁଖ୍ୟ ଶାଖାରେ ଆକାଉଣ୍ଟ ନମ୍ବର ୧୦୦୯୧୮୦ ୫୫୭୩ କୁ ନେଇ ଟଣାଓଟରା। ବିଜେପିର ଅଭିଯୋଗ ଏହି ଆକାଉଣ୍ଟରୁ ବିଜେଡି ଆକାଉଣ୍ଟ ୧୦୦୯୧୭୫୫୨୪୬କୁ ଟ୍ରାନ୍ସଫର ହୋଇଛି କୋଟି କୋଟି ଟଙ୍କା। ତେଣୁ ୧୦୦୯୧୮୦ ୫୫୭୩ ଆକାଉଣ୍ଟ ବେନାମୀ ବୋଲି ବିଜେପି ଅଭିଯୋଗ କରିଛି। ଦଳ ଏନେଇ ଆଜି ଆୟକର କମିଶନଙ୍କ ପାଖରେ ଫେରାଦ ହୋଇଛି। ଏହି ଆକାଉଣ୍ଟକୁ କେଉଁଠୁ ଟଙ୍କା ଆସୁଥିଲା ତା&rsquo;ର ତଦନ୍ତ ପାଇଁ ଦଳ ଦାବି କରିଛି। ଏହି ବେନାମୀ ଆକାଉଣ୍ଟରେ ଚିଟଫଣ୍ଡ ଟଙ୍କା ଜମା ହେବା ପରେ ବିଜେଡି ଆକାଉଣ୍ଟକୁ ଯାଇଥିବା ବିଜେପି ନେତା ସମୀର ମହାନ୍ତି ଅଭିଯୋଗ କରିଛନ୍ତି।</p> <p>&amp;nbsp;</p> <p>ବିଜେପିର ଅଭିଯୋଗ ଉପରେ ବିଜେଡି ପାଲଟା ଅଭିଯୋଗ କରିଛି। କହିଛି- ଅନେକ ବେନାମୀ ଆକାଉଣ୍ଟରୁ ବିଜେପି ଓ କଂଗ୍ରେସ ପାଖକୁ ଗତ ୧୦ ବର୍ଷରେ ୫ ହଜାର କୋଟି ଟଙ୍କା ଯାଇଛି। ସେହିପରି ବିଜେପିର ଅଭିଯୋଗ ଅନୁସାରେ ଏସ୍&zwnj;ବିଆଇ ମେନ ବ୍ରାଞ୍ଚରେ ଦଳ ନାଁର କୌଣସ ଆକାଉଣ୍ଟ ନାହିଁ ବୋଲି ବିଜେଡି ସ୍ପଷ୍ଟ କରିଛି। ଏସ୍&zwnj;ବିଆଇ ମୁଖ୍ୟ ଶାଖାରେ ବିଜେଡିର ଥିବା ଆକାଉଣ୍ଟ ନଂ ହେଇଛି- ୧୦୦୯୧୭୫୫୨୪୬। ସେହିପରି ୨୦୧୪ ଏପ୍ରିଲ ୨ ଓ ମେ ୮ରେ ଅଲଗା ଅଲଗା ଚେକ୍&zwnj;ରେ ଦଳର ନେତାଙ୍କୁ ଦିଆଯାଇଥିବା ଟଙ୍କାର ହିସାବ ଦେଇଛି ବିଜେଡି। ଆକାଉଣ୍ଟକୁ ନେଇ ବିଜେପି ମିଥ୍ୟା ଅଭିଯୋଗ କରୁଥିବାରୁ ମାନହାନୀ ମାମଲା କରିବାକୁ ଦଳ ଚେତାବନୀ ଦେଇଛି।</p> <p>ତେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାମଚନ୍ଦ୍ର ହାଁସଦାଙ୍କ ଆକାଉଣ୍ଟକୁ ସମାନ ଆରଟିଜିଏସ୍&zwnj; ନମ୍ବର ୫୩୮୯୭୬୨୮୮ରେ ଅର୍ଥ ଯିବା ନେଇ ସ୍ପଷ୍ଟୀକରଣ ଦେଇନି ବିଜେଡି। ଭୁବନେଶ୍ୱର ଏସବିଆଇ ମଧ୍ୟ ଏନେଇ ହେଡକ୍ୱାଟରରୁ ତଥ୍ୟ ମାଗିଛି। ଏପଟେ ନିର୍ବାଚନ ପାଣ୍ଠିର ସ୍ୱଚ୍ଛତାକୁ ନେଇ କଂଗ୍ରେସ ପରେ ଖୋଦ ସରକାରଙ୍କ ବରିଷ୍ଠ ମନ୍ତ୍ରୀ ଦାମୋଦର ରାଉତ କହିଛନ୍ତି, କୌଣସି ରାଜନୈତିକ ଦଳ ନିର୍ବାଚନୀ ପାଣ୍ଠିରେ ସ୍ୱଚ୍ଛତା ରଖୁନାହାଁନ୍ତି। ଏପରିକି ନିଜ ଦଳ ସ୍ୱଚ୍ଛତା ରଖୁଛି କି ନାହିଁ ତାହା ସେ ଜାଣି ନଥିବା କହିଛନ୍ତି। ପୂର୍ବତନ ପ୍ରଶାସକ ମଧ୍ୟ ରାଜନୈତିକ ଦଳଙ୍କ ପାଣ୍ଠିର ସ୍ୱଚ୍ଛତାକୁ ନେଇ ପ୍ରଶ୍ନ ଉଠାଇଛନ୍ତି।</p> <p>ମୁଖ୍ୟମନ୍ତ୍ରୀଙ୍କ ପାଇଁ ଓକିଲାତି କଲେ ଗଞ୍ଜାମ ଜିଲ୍ଲାପାଳ</p> <p>୨୦୧୪ ବିଜେଡିର ନିର୍ବାଚନୀ ପାଣ୍ଠିରେ ଅନିୟମିତତା ଅଭିଯୋଗ ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ସପକ୍ଷରେ ଓକିଲାତି କରିଛନ୍ତି ଗଞ୍ଜାମ ଜିଲ୍ଲାପାଳ। ଆଜି ସେ ହାଇକୋର୍ଟରେ ମିସ୍&zwnj;କେସ୍&zwnj; ଦାୟର କରିଛନ୍ତି। ନିର୍ବାଚନ କମିଶନଙ୍କଠାରୁ ନୋଟିସ ପ୍ରତ୍ୟାହାର ପାଇଁ ଆବେଦନ କରିଛନ୍ତି। ଜିଲ୍ଲାପାଳଙ୍କ ପକ୍ଷରୁ ଦର୍ଶାଯାଇଛି ଯେ, ଆବେଦନକାରୀ ସଂପୃକ୍ତ ନିର୍ବାଚନମଣ୍ଡଳୀର ଲୋକ ନୁହନ୍ତି। ତେଣୁ ନିର୍ବାଚନମଣ୍ଡଳୀ ଲୋକ ହୋଇନଥିବାରୁ ଏସବୁ ପଚାରି ପାରିବେନି। ନିର୍ବାଚନ ସରିବାର ୨ ବର୍ଷ ପରେ ଆବେଦନ ଗ୍ରହଣ ଯୋଗ୍ୟ ନୁହେଁ ବୋଲି କହିଛନ୍ତି ଜିଲ୍ଲାପାଳ। ନିୟମାନୁସାରେ ନିର୍ବାଚନର ବର୍ଷକ ପରେ ତଥ୍ୟ ନଷ୍ଟ କରାଯାଇଥାଏ। ଏତେ ବିଳମ୍ବରେ ଆବେଦନ ହୋଇଥିବାରୁ ମାମଲା ଗ୍ରହଣ ଯୋଗ୍ୟ ନୁହେଁ ବୋଲି କହିଛନ୍ତି ଗଂଜାମ ଜିଲ୍ଲାପାଳ।</p>