ବାରିପଦା: ଗତକାଲି ଅଧା ବାଟରେ ଅଟକି ଥିବା ମହାପ୍ରଭୁ ଜଗନ୍ନାଥ ଏବଂ ଦେବୀ ସୁଭଦ୍ରାଙ୍କ ରଥ ଆଜି ମାଉସୀ ମା ମନ୍ଦିରରେ ଲାଗିଛି । ନୀତି ନିର୍ଘଣ୍ଟ ଅନୁଯାୟୀ ଅପରାହ୍ନ ଅଢେଇଟାରେ ରଥଟଣା କାର୍ଯ୍ୟ ଆରମ୍ଭ ହୋଇଥିଲା । ଅଧାରେ ଅଟକି ଥିବା ଦେବୀ ସୁଭଦ୍ରାଙ୍କ ଦର୍ପଦଳନ ରଥକୁ ହଜାର ହଜାର ମହିଳା ଭକ୍ତ ଟାଣି ଟାଣି ମାଉସୀ ମାଙ୍କ ମନ୍ଦିରକୁ ନେଇଯାଇଥିଲେ । ଘଣ୍ଟ ଘଣ୍ଟା, ମୃଦଙ୍ଗ, ହୁଳହୁଳି ଶଦ୍ଦରେ ବାରିପଦା ବଡଦାଣ୍ଡରେ ଭକ୍ତିମୟ ପରିବେଶ ସୃଷ୍ଟ ହୋଇଥିଲା । ପରେ ମହାପ୍ରଭୁଙ୍କ ନନ୍ଦିଘୋଷ ରଥ ଟଣା ଆରମ୍ଭ ହୋଇଥିଲା । ପାଗ ଅନୁକୂଳ ଥିବାରୁ ଅପରାହ୍ନ ୪ଟା ବେଳକୁ ଭକ୍ତଙ୍କ ଜନ ସମୁଦ୍ର ଦେଖିବାକୁ ମିଳିଥିଲା । ପ୍ରବଳ ବର୍ଷା ହେବା ସତ୍ତ୍ୱେ ମଧ୍ୟ ମହିଳାମାନେ ମହିଳାମାନେ ଶ୍ରଦ୍ଧାର ସହ ଦେବୀ ସୁଭଦ୍ରାଙ୍କୁ ଟାଣି ନେଇଥିଲେ । ମହିଳାମାନଙ୍କ ସୁରକ୍ଷା ପାଇଁ ଶତାଧିକ ମହିଳା ପୋଲିସଙ୍କୁ ମୁତୟନ କରାଯାଇଥିଲା । ଗତକାଲି ବଡ ଠାକୁର ବଳଭଦ୍ରଙ୍କ ତାଳଧ୍ୱଜ ରଥ ମାଉସୀ ମା ମନ୍ଦିରେ ପହଞ୍ଚି ଥିଲା । ଆଜି ରାତି ୧୧ଟାରେ ନୀତି ନିର୍ଘଣ୍ଟ ଅନୁଯାୟୀ ତିନି ଠାକୁର ପହଞ୍ଣି ବିଜେରେ ମାଉସୀ ମା ମନ୍ଦିରକୁ ଯିବେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
