ବ୍ରହ୍ମପୁର : ବ୍ରହ୍ମପୁର ଉପକଣ୍ଠ ମାଟିଖାଲ ଠାରେ ଥିବା ଭାରତୀୟ ବୀରଳ ମୃର୍ତ୍ତିକା ଲିମିଟେଡ୍ କାର୍ଯ୍ୟାଳୟ ସମ୍ମୁଖରେ ପୁଣି ଥରେ ଧାରଣା ଦିଆଯାଇଛି। ସରକାରଙ୍କ ଥଇଥାନ ନୀତିରେ ଚାକିରି ଦେବା ଦାବି କରି ମୃତକ କର୍ମଚାରୀ ମାନଙ୍କ ପରିବାରବର୍ଗ ଏହି ଧାରଣା ଦେଉଛନ୍ତି। ଭାରତ ବର୍ଷରେ ଥିବା ଆଇଆରଇର ବିଭିନ୍ନ ଶାଖାରେ ଥଇଥାନ ନୀତି ପାଳନ କରାଯାଉଥିବା ବେଳେ ଏଠାରେ ଏହା ପାଳନ କରାଯାଉନଥିବା ଅଭିଯୋଗ କରି ବିଭିନ୍ନ ପରିବାରର ଆଶାୟୀ ଯୁବକ ମାନେ ଏହି ଧାରଣାରେ ସାମିଲ୍ ହୋଇଛନ୍ତି।
ସୂଚନାଯୋଗ୍ୟ ଯେ, ଗତମାସ ୧୭ ତାରିଖରେ ପ୍ରଥମେ ଏହି ଧାରଣା ଦିଆଯାଇଥିଲା। ତେବେ ପରବର୍ତ୍ତୀ ସମୟରେ ଜିଲ୍ଲା ପ୍ରଶାସନ ଓ ଆଇଆରଇ କତ୍ତୃପକ୍ଷ ଏହି ବାବଦରେ ଆଲୋଚନା କରାଯିବ ବୋଲି କହିବାରୁ ଧାରଣାକୁ ସ୍ଥଗିତ ରଖାଯାଇଥିଲା। ତେବେ ଆଲୋଚନା ବିଫଳ ହୋଇଥିବାରୁ ବୁଧବାରରୁ ପୁଣି ଥରେ ଧାରଣା ଆରମ୍ଭ ହୋଇଛି ଓ ଏହାକୁ ବିଭିନ୍ନ ଶ୍ରମିକ ସଂଗଠନ ସମର୍ଥନ ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।