ଭାରତୀୟ ଇତିହାସରେ ଓଡ଼ିଶାକୁ ଉଚିତ ସ୍ଥାନ ମିଳିନାହିଁ: ଓଡ଼ିଶା ଇତିହାସ କଂଗ୍ରେସ

ଭୁବନେଶ୍ୱର: ଭାରତୀୟ ଇତିହାସରେ ଓଡ଼ିଶାକୁ ଉଚିତ୍ ସ୍ଥାନ ମିଳିନାହିଁ। ଓଡ଼ିଶାର ଇତିହାସ ଯେତିକି ଉନ୍ନତ, ଏଠାରେ ଇତିହାସରେ ଯେଉଁ ସବୁ କାର୍ଯ୍ୟ ହୋଇଛି, ସେଗୁଡ଼ିକୁ ଠିକ୍ ଭାବେ ସ୍ଥାନୀତ କରି ନାହାନ୍ତି ଐତିହାସିକମାନେ। ତେଣୁ ବର୍ତ୍ତମାନ ସମୟରେ ଓଡ଼ିଶାର ଇତିହାସକୁ ଭାରତୀୟ ଇତିହାସରେ ଉଚିତ୍ ଭାବେ ସ୍ଥାନ ଦେବା ପାଇଁ ଉଦ୍ୟମ ଆରମ୍ଭ କରିଛି ଓଡ଼ିଶା ଇତିହାସ କଂଗ୍ରେସ। ଭୁବନେଶ୍ୱର ଉପକଣ୍ଠ ନହରକଣ୍ଟାଠାରେ ଆୟୋଜିତ ଓଡ଼ିଶା ଇତିହାସ କଂଗ୍ରେସର ପ୍ରଥମ ଆଞ୍ଚଳିକ ଅଧିବେଶନରେ ଏ ନେଇ ବିଶଦ୍ ଆଲୋଚନା ହୋଇଛି। ଦୁଇଟି ପର୍ଯ୍ୟାୟରେ ହୋଇଥିବା ଆଲୋଚନାରେ କିଭଳି ଭାବେ ଓଡ଼ିଶା ଇତିହାସକୁ ଭାରତୀୟ ଇତିହାସରେ ସ୍ଥାନୀତ କରାଯିବ, ସେ ସଂକ୍ରାନ୍ତରେ ବକ୍ତା ଓ ବିଶେଷଜ୍ଞମାନେ ମତ ପ୍ରକାଶ କରିଛନ୍ତି। ଅଧିବେଶନକୁ ଭୁବନେଶ୍ୱର ଉତ୍ତର ବିଧାୟକ ପ୍ରିୟଦର୍ଶୀ ମିଶ୍ର ଉଦଘାଟନ କରିଥିଲେ । ଉଚ୍ଚଶିକ୍ଷା ନିର୍ଦ୍ଦେଶକ ନିହାର ରଞ୍ଜନ ପଟ୍ଟନାୟକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।