ଦଶମ ଶ୍ରେଣୀ ପାସ୍‌ କଲେ ଓଲିଉଡ୍ ଅଭିନେତ୍ରୀ ଭୂମିକା

ଭୁବନେଶ୍ୱର (ଓଡ଼ିଶା ରିପୋର୍ଟର): ଓଲିଉଡ଼ର ନବାଗତା ନାୟିକା ଭୂମିକା ଦାସଙ୍କ ସିବିଏସ୍‌ଇରେ ଅଦ୍ଭୁତ ସଫଳତା।  ସିବିଏସଇ ଦଶମ ପରୀକ୍ଷାରେ ୯୭ ପ୍ରତିଶତ ନମ୍ବର ରଖି ସେ ରେକର୍ଡ କରିଛନ୍ତି। ଏଥିପାଇଁ ତାଙ୍କ ପାଖକୁ ଛୁଟୁଛି ଶୁଭେଚ୍ଛାର ସୁଅ। ଏଥିପାଇଁ ଭୂମିକା ମଧ୍ୟ ବେଶ୍‌ ଖୁସି ଅଛନ୍ତି। ଏହାର ଶ୍ରେୟ ସେ ନିଜର ପିତା ମାତା ଓ ଶିକ୍ଷକଙ୍କୁ ଦେଇଛନ୍ତି। ଏନେଇ ଭୂମିକା ଏକ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି। ଏଥିରେ ସେ ତାଙ୍କ ଅଗଣିତ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି।  

ତେବେ ଓଡ଼ିଶା ରିପୋର୍ଟରକୁ ଦେଇଥିବା ପ୍ରତିକ୍ରିୟାରେ ଭୂମିକା କହିଛନ୍ତି ଯେ, ଛୋଟବେଳୁ ମୋର ଅଭିନୟ ପ୍ରତି ରୁଚି ଥିଲା। ସେହିପରି ପାଠ ପଢ଼ା ପ୍ରତି ପ୍ରବଳ ଆଗ୍ରହ ଥିଲା। ସେଥିପାଇଁ ମୁଁ ଏହି ଦୁଇଟି ଜିନିଷ ସବୁବେଳେ ଦାୟିତ୍ୱର ସହ ନିଭାଇ ଆସୁଥିଲି।  ମତେ ଏଥିପାଇଁ  ଅଧିକ ପରିଶ୍ରମ କରିବାକୁ ପଡ଼ିଥିଲା। ମୋତେ ବାପା ମାଆ ଓ ଶିକ୍ଷକ  ସହଯୋଗ କରିଥିଲେ।  ପରୀକ୍ଷା ପାଇଁ ମଧ୍ୟ କେତେକ ଫିଲ୍ମ କରିବା ପାଇଁ ମନା କରିଦେଇଥିଲି।

ମୁଁ  ସିବିଏସଇ ପରୀକ୍ଷାରେ ୯୭ ପ୍ରତିଶତ ନମ୍ବର ରଖି ମୁଁ ଗୁରୁଙ୍କୁ ଆଶା ପୂରଣ କରିଛି। ମୁଁ ଯାହା ବି କରିଥାଏ ତା’ ପଛରେ ଥାଏ ମୋ ବାପାମା’ଙ୍କ ସମର୍ଥନ ଥାଏ। ପାଠ ପଢ଼ାରେ ଅଧିକ ଗୁରୁତ୍ୱ ଦେବାକୁ ବାପା ମା’ ସବୁବେଳେ କହନ୍ତି। ଅଭିନୟ ଯୋଗୁଁ ମୋ ପାଠ ପଢ଼ା ପ୍ରଭାବିତ ହୁଏ ନାହିଁ। ଦୃଢ଼ ଇଚ୍ଛାଶକ୍ତି ଓ କଠିନ ପରିଶ୍ରମ ମୁଁ ଆଜି ଏହି ସଫଳତା ପାଇଛି।  ଆଗକୁ ମଧ୍ୟ  ମୋ ବାପା ମାଆ ଦେଖିଥିବା ସ୍ୱପ୍ନ ମୁଁ ପୂରଣ କରିବି।ଏଥିପାଇଁ ମୋ ଫ୍ୟାନମାନେ  ମଧ୍ୟ ବହୁତ ଖୁସି ଅଛନ୍ତି। ମୋତେ ମଧ୍ୟ ଶୁଭେଚ୍ଛା ଜଣାଇଛନ୍ତି।  ତାଙ୍କରି ଆର୍ଶୀବାଦ ଯୋଗୁଁ ଏହି ସ୍ଥାନରେ ପହଞ୍ଚି ପାରିଛି। ଏଥିପାଇଁ ମୁଁ ମଧ୍ୟ ବହୁତ ଖୁସି।

କେଉଁଠି ପଢ଼ୁଥିଲେ ଭୂମିକା ଭୁବନେଶ୍ୱର ୟୁନିଟ୍ ୮ ଡିଏଭି ସ୍କୁଲରେ ପଢ଼ୁଥିଲେ।

କେତୋଟି ଫିଲ୍ମ କରିଛନ୍ତି-ଭୂମିକା ଏପର୍ଯ୍ୟନ୍ତ ୫ଟି ଫିଲ୍ମରେ ଅଭିନୟ କରିସାରିଲେଣି। ଶିଶୁ କଳାକାର ଭାବେ ଭୂମିକାଙ୍କ ପ୍ରଥମେ ଫିଲ୍ମ ହେଉଛି ‘ରୁମୁକୁ ଝୁମାନା’। ସେଥିରେ ସେ ଲିଡ୍‌ ରୋଲ୍‌ରେ  ଅଭିନୟ କରଥିଲେ।

ଏବେ ଭୂମିକାକୁ କେଉଁ ଫିଲ୍ମରେ ଦେଖିବାକୁ ମିଳିବ- ପ୍ରକ୍ଷାତ ଔପନ୍ୟାସିକ ଶରତ ଚନ୍ଦ୍ର ଚାଟାର୍ଜୀଙ୍କ ରଚିତ ଉପନ୍ୟାସ “ଦେବଦାସ” ଆଧାରରେ ଓଡ଼ିଆ ଫିଲ୍ମ ‘ନାୟକର ନାଁ ଦେବଦାସ’ ନିର୍ମାଣ ହେଉଛି। ଯେଉଁଥିରେ ପାରୋ ଭୂମିକାରେ ଅଭିନୟ କରିଛନ୍ତି ଭୂମିକା। ‘ତୁ ମୋ ଲଭ୍‌ ଷ୍ଟୋରି’ ଏବଂ ‘ହିରୋ ନଂ-୧’ ପରି ୨ଟି ହିଟ୍‌ ଫିଲ୍ମରେ ଲିଡ୍‌ ରୁଲ ନଜରରେ ଆସିଥିଲେ ଏହି ସୁନ୍ଦରୀ ଅଭିନେତ୍ରୀ। ଭୂମିକା ଜଣେ ଓଡିଶୀ ଡାନ୍ସର।

୩ବର୍ଷ ବୟସରୁ ସେ ଓଡିଶୀ ଶିଖୁଛନ୍ତି। ଓଡିଶୀ ନାଚରେ ସେ ଅନେକ ପୁରସ୍କାର ମଧ୍ୟ ପାଇଛନ୍ତି। ଆଜି ଅଭିନୟ ଓ ନାଚ ଉଭୟରେ ଭୂମିକା ନାଁ କମାଇଛନ୍ତି।

ଭୂମିକା ଦାସ

ଓଲିଉଡ୍‌ର ନବାଗତା ନାୟିକା ଭୂମିକା ଦାସ ସିବିଏସ୍‌ଇରେ ସଫଳତା ହାସଲ କରିଛନ୍ତି। ଦଶମ ପରୀକ୍ଷାରେ ୯୭ ପ୍ରତିଶତ ନମ୍ବର ରଖି ସେ ରେକର୍ଡ କରିଛନ୍ତି। ଏଥିପାଇଁ ଭୂମିକା ମଧ୍ୟ ବେଶ୍‌ ଖୁସି ଅଛନ୍ତି। ସୋସିଆଲ୍ ମିଡିଆରେ ଭିଡିଓ ବାର୍ତ୍ତା ଛାଡ଼ି ସେ ତାଙ୍କ ଫ୍ୟାନ୍‌ମାନଙ୍କୁ ଧନ୍ୟବାଦ ଜଣାଇଛନ୍ତି।

Odisha Reporter यांनी वर पोस्ट केले मंगळवार, २९ मे, २०१८