ବିଜେପୁରରେ ଏ ଯାଏଁ ବାଜିଲାନି ନିର୍ବାଚନୀ ବିଗୁଲ୍‌, ଆରମ୍ଭ ହେଲାଣି ଦୋଷ ଲଦାଲଦି

<p>ଭୁବେନଶ୍ୱର(ଓଡିଶା ରିପୋର୍ଟର): ବିଜେପୁର ଉପନିର୍ବାଚନ ତାରିଖ ଘୋଷଣାରେ ବିଳମ୍ବକୁ ନେଇ ବିବାଦ ଆରମ୍ଭ ହୋଇଛି। &nbsp;ଏହାକୁ ନେଇ ପ୍ରଶ୍ନ ଉଠାଇଛି ବିଜେଡି । ସିଧାସଳଖ କେନ୍ଦ୍ର ଓ ବିଜେପି ଉପରେ ଦୋଷ ଲଦିଛି ବିଜେଡି । କେନ୍ଦ୍ର ସରକାରଙ୍କ ଚାପରେ ନିର୍ବାଚନ କମିଶନ୍ ଜାଣିଶୁଣୀ ନିର୍ବଚନ ପ୍ରକ୍ରିୟାରେ ବିଳମ୍ବ କରୁଛନ୍ତି ବୋଲି ସାଂଘାତିକ ଅଭିଯୋଗ ଆଣିଛନ୍ତି ଶ୍ରମମନ୍ତ୍ରୀ ସୁଶାନ୍ତ ସିଂ। ଏଣେ ଏହାକୁ ଅବାନ୍ତର ଯୁକ୍ତି ବୋଲି କହି ତାଚ୍ଛଲ୍ୟ କରିଛି ବିଜେପି । କଥାରେ ନଥା ଯୋଡି କଂଗ୍ରେସ୍ କହିଛି ଏହାକୁ ବିଳମ୍ବ ନୁହେଁ ଛକାପଞ୍ଝା କୁହାଯାଇପାରେ ।</p><p>ସୁବଳ ସାହୁଙ୍କ ଦେହାନ୍ତର ୩ ମାସ ପରେ ବି ନିର୍ବଚନ ତାରିଖ ଘୋଷଣା ହୋଇ ନ ଥିବାରୁ ରାଜ୍ୟର ୩ ପ୍ରମୁଖ ରାଜନୈତିକ ଦଳ ଏହାକୁ ନେଇ ଭିନ୍ନ ଭିନ୍ନ ମତ ରଖିଛନ୍ତି । &nbsp;ଶ୍ରମମନ୍ତ୍ରୀ ସୁଶାନ୍ତ ସିଂ ଅଭିଯୋଗ ପୂର୍ବରୁ ବିଜେଡି ଉପସଭାପତି ଦେବୀପ୍ରସାଦ ମିଶ୍ର ଓ ମୁଖପାତ୍ର ସମୀର ଦାଶ ମଧ୍ୟ ଏଭଳି ବିଳମ୍ବ ନେଇ ପ୍ରଶ୍ନ ଉଠାଇଥିଲେ।</p><p>ଏପଟେ ବିଜେପି ସୁଶାନ୍ତଙ୍କ ଯୁକ୍ତିକୁ ଅବାନ୍ତର ବୋଲି କହିଛି । ବିଜେଡି ନିର୍ବାଚନ &nbsp;ହାରିବା ଭୟରେ ଏଭଳି ବୟାନ ଦେଉଛି ବୋଲି ଦଳ ପକ୍ଷରୁ କୁହାଯାଇଛି । ଭାଜପା ମୁଖପାତ୍ର ସଜ୍ଜନ ଶର୍ମା, କଂଗ୍ରେସ ନେତା ନିରଂଜନ ପଟ୍ଟନାୟକ ପ୍ରମୁଖ ନିଜ ମତ ରଖି ପରସ୍ପରକୁ ଦୋଷାରୋପ କରିଛନ୍ତି ।</p><p>ସୂଚନାଯାଗ୍ୟ &nbsp;ବିଜେପୁର ଉପନିର୍ବାଚନ ପାଇଁ ଏବେ ଫୋକସରେ ଅଛନ୍ତି ଗାଇସିଲେଟ୍ ବ୍ଳକ୍ର କଂଗ୍ରେସ ନେତା ତଥା ବ୍ଲକ ଉପାଧ୍ୟକ୍ଷ ପ୍ରଣୟ ସାହୁ । କଂଗ୍ରେସ୍ ପ୍ରାର୍ଥୀ ଦୌଡ଼ରେ ସେ ଅଛନ୍ତି ଆଗରେ। ସେପଟେ ବିଜେପି ଓ ବିଜେଡି ନଜରରେ ବି ରହିଛନ୍ତି ପ୍ରଣୟ । ପ୍ରଣୟ କଂଗ୍ରେସରୁ ପ୍ରାର୍ଥୀ ହେଲେ ତ୍ରିମୁଖୀ ଲଢେଇ ହୋଇପାରେ ବୋଲି ବିଜେପି ଆକଳନ କରୁଛି । କିନ୍ତୁ ଏପରି ହେଲେ ଦଳକୁ ଫାଇଦା ମିଳିବ ବୋଲି ମଧ୍ୟ ବିଜେଡି ଆଶା ରଖିଛି। &nbsp;ନିର୍ବାଚନ ତାରିଖ ଘୋଷଣାରେ ବିଳମ୍ବ ଯୋଗୁଁ ରାଜ୍ୟ ସରକାର ବିଜେପୁର ପାଇଁ ଯେଉଁ ସବୁ ପ୍ରକଳ୍ପ ଘୋଷଣା କରିଥିଲେ ତାର ପ୍ରଭାବ ଏଥିରେ ପଡିବ ନାହିଁ ବୋଲି ଚର୍ଚ୍ଚା ହେଉଛି । ଏଣେ ଚାଷୀ ଆତ୍ମହତ୍ୟା ପ୍ରସଙ୍ଗରେ ବ୍ୟାକ୍&zwnj;ଫୁଟ୍&zwnj;ରେ ଥିବା ବିଜେଡିକୁ ଘେରିବା ପାଇଁ ବିରୋଧୀଙ୍କୁ ପର୍ଯ୍ୟପ୍ତ ସମୟ ମିଳୁଥିବା କୁହାଯାଉଛି । ଏଭଳି ସ୍ଥିତିରେ ପ୍ରକୃତରେ କାହକୁ ଫାଇଦା ମିଳିବ ତାକୁ ନେଇ ଆରମ୍ଭ ହୋଇଛି ଅଙ୍କକଷା ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।